Thaburi 26 - ÎVUKU RÎA ÛVORO MWARO

Îvoya rîa mûndû mûthingu

¹ We Ngai-Mûnene, nduîra atî ndirî na mavîtia, nîûndû mbîkaga maûndû marîa magîrîrîte, na nî ngwîvokete viû.

² Nduîria na ûngerie, we Ngai-Mûnene; tuîria ngoro yakwa na meciria makwa.

³ Nîûndû nîndongoragua nî wendo waku ûtathiraga, ndûûraga ngûrûmîrîrîte nîrî na wîvokeku.

⁴ Nie ndiîkaranagia na andû arîa maveenanagia, kana nyitanîra na andû arîa marî ûvinga.

⁵ Nî nthûrîte ngwatanîro ya andû arîa mekaga maûndû macûku, na ndiîkaranagia na andû arîa aganu.

⁶ Nîrethambia njara ciakwa monanie atî ndirî na mavîtia, na nthiûrûrûke metha yaku ya kîgongoona ngîkûgooca, we Ngai-Mûnene,

⁷ nginaga rwîmbo rwa gûcokia ngatho, ngîranaga maûndû maku monthe ma magegania marîa wîkîte.

⁸ Nîmendete hekarû yaku kûrîa ûtûûraga, we Ngai-Mûnene, na vandû varîa riiri waku wîkaraga.

⁹ Ndûkanthiranîrie vamwe na andû arîa evia, kana ûndecanîrie vamwe na aûragani,

¹⁰ andû arîa mekaga maûndû macûku vîndî cionthe, andû mecûrîtwe nî maûndû ma mavaki.

¹¹ Nwatî nie mbîkaga maûndû marîa magîrîru, mbîguîra ntha na ûmvonokie!

¹² Nie nûngamîte vandû vagitîre, nîngaakumia Ngai-Mûnene nîrî kîûnganorî kînene Kîam andû ake.