Thaburi 150 - ÎVUKU RÎA ÛVORO MWARO

Gûkumia Ngai-Mûnene

¹ Kumiani Ngai-Mûnene! Kumiani Ngai-Mûnene mûrî hekarûrî yake, mûkumieni arî îgûrû kûu gwake kûnene!

² Mûkumieni nîûndû wa ciîko ciake cia vinya; mûkumieni nîûndû wa riiri wake mwîngî.

³ Mûkumieni na mîgambo ya tûrumbeta; mûkumieni na ngita na mîtûrirû.

⁴ Mûkumieni na ndarama mûkîinagia, mûkumieni na ngita na mîtûrirû,

⁵ Mûkumieni na ithaani irîa iringithanagua, mûkumieni na ithaani irîa iringithanagua ikagamba, ikagamba na vinya mûno!

⁶ Kîûmbe kîonthe kîrî mwoyo nîgîkumie Ngai-Mûnene. Kumiani Ngai-Mûnene!