Thaburi 15 - ÎVUKU RÎA ÛVORO MWARO

Ûrîa Ngai endaga

¹ Ûûi Ngai-Mûnene, nû ûngîtûûra hekarûrî yaku? Nû ûngîtûûra Zayuni kîrîmarî gîaku kîrîa kîtheru?

² Nî arîa mathîkagîra Ngai maûndûrî monthe, na vîndî cionthe mekaga maûndû marîa magîrîrîte, arîa maragia ûma kuuma ngororî ciao,

³ na matacambagia andû arîa engî, na matavîtagîria arata ao, kana maguuta andû arîa mariganîtie nao.

⁴ Nî manyararaga andû arîa Ngai athûrîte, nwatî nîmatîîaga andû arîa mathîkagîra Ngai-Mûnene. Vîndî cionthe nîmavingagia ûrîa meranîrîte na matigarûrûkaga.

⁵ Makombithanagia na matiîtagia maciaro, na matangîvakîka nîguo mavecane ûira wa maveeni wîgiî mûndû ûtarî na mavîtia. Andû arîa mekaga maûndû mama matikenyenya.