Thaburi 142 - ÎVUKU RÎA ÛVORO MWARO

Îvoya rîa gwîtia ûtethio

¹ Nînîrakaîra Ngai-Mûnene mbugîrîrîtie, nînîrathaitha Ngai-Mûnene na mûgambo wakwa.

² Nînîmûnengagîra mateta makwa; nînîmwîraga mathîna makwa.

³ Rîrîa nthirîtwe nî vinya ngoro, we nîwîthagîrwa ûkîmenya njîra yakwa. Nthû ciakwa nîimbigîrîte mûtego njîrarî îrîa nthiîcagîrîra.

⁴ Ndoragia mwena wakwa wa ûrîo mone, nwatî gûtirî mûndû ûtindanagîra nanie, ndirî na vandû va kûûrîra. Gûtirî mûndû ûrûmbûyanagia nanie.

⁵ We Ngai-Mûnene nîwe ngayagîra, mbugaga atîrî, “We nîwe mûgitîri wakwa, nîwe îgai rîakwa vûrûrirî wa arîa marî mwoyo.

⁶ Thikîrîria ngîgûkaîra, nîûndû nîrîmûthiru vinya viû. Mvonokia kuuma kûrî arîa manyariraga, nîûndû marî na vinya kûngîra.

⁷ Nduta njerarî îno, nîguo njokerie rîîtwa rîaku ngatho. Andû arîa athingu nîmakaagwatanîra nanie, nîûndû nîûmbîkîte maûndû meengî maro.”