Thaburi 137 - ÎVUKU RÎA ÛVORO MWARO

Macakaya ma andû a Isiraeli marî Babuloni.

¹ Ndeererî cia nyûnjî cia Babuloni, nîkuo twekaraga nthî tûkîrîraga, twaririkana Zayuni.

² Mvûarî cia mîtî ya kuo îrîa îkûraga ndeererî cia rûnjî, nîkuo twacuragia ngita cietû.

³ Tûrî kûu, arîa maatûtavîte nîmaatwîraga tûmainîre; arîa maatûnyamaragia maatwîraga tûmakenie; maatwîraga “Twinîreni rwîmbo rûmwe rwa Zayuni.”

⁴ Tûngîvota atîa kwina rwîmbo rwa Ngai-Mûnene, tûrî vûrûrirî mûgeni?

⁵ We Jerusalemu, nîngîriganîrwa nîwe, nîkava njara yakwa ya ûrîo yonje!

⁶ Rûrîmî rwakwa rûroremwa nî kwina, nîngîriganîrwa nîwe, we Jerusalemu; nîngîrega gûgûtîîa gûkîra indo irîa ngenagîra mûno.

⁷ We Ngai-Mûnene, taririkana ûrîa andû a Edomu meekire, rîrîa Jerusalemu yanyitirwe, maaugire atîrî, “Mîomomoreni nginya mîcingi ya yo!”

⁸ We mwarî wa Babuloni, nîûgaacûkangua! Gûkena nî mûndû ûrîa ûgaagwîka wata ûguo ûtwîkîte.

⁹ Gûkena nî mûndû ûrîa ûgooca tûkenge twaku, na atûtemanie mathigarî.