Thaburi 136 - ÎVUKU RÎA ÛVORO MWARO

Rwîmbo rwa gûcokia Ngatho.

¹ Cokeriani Ngai-Mûnene Ngatho nîûndû nî mwaro, nîûndû wendo wake ûtathiraga ûtûûraga tene na tene.

² Cokeriani Ngai wa ngai cionthe ngatho; nîûndû wendo wake ûtathiraga ûtûûraga tene na tene.

³ Cokeriani Mwathani wa athani ngatho; nîûndû wendo wake ûtathiraga ûtûûraga tene na tene.

⁴ Nîke wenga wîkaga maûndû manene ma magegania; nîûndû wendo wake ûtathiraga ûtûûraga tene na tene.

⁵ Nîke waûmbire îgûrû na ûûgî wake; nîûndû wendo wake ûtathiraga ûtûûraga tene na tene;

⁶ Nîke waûmbire nthî îrî îgûrû rîa manjî; nîûndû wendo wake ûtathiraga ûtûûraga tene na tene.

⁷ Nîke waûmbire imûrî irîa nene; nîûndû wendo wake ûtathiraga ûtûûraga tene na tene;

⁸ Riûa rîathage mûthenya; nîûndû wendo wake ûtathiraga ûtûûraga tene na tene;

⁹ Mweri na njata ciathage ûtukû; nîûndû wendo wake ûtathiraga ûtûûraga tene na tene.

¹⁰ Nîke waûragire marikithathi monthe ma Misiri; nîûndû wendo wake ûtathiraga ûtûûraga tene na tene.

¹¹ Nîke warutire andû a Isiraeli Misiri; nîûndû wendo wake ûtathiraga ûtûûraga tene na tene;

¹² na vinya wake na ûvoti mwîngî; nîûndû wendo wake ûtathiraga ûtûûraga tene na tene.

¹³ Nîke wagaanirie îria îtune maita maîrî; nîûndû wendo wake ûtathiraga ûtûûraga tene na tene;

¹⁴ na agîtûma andû a Isiraeli mavîtûkîre gatagatî ka rîo; nîûndû wendo wake ûtathiraga ûtûûraga tene na tene;

¹⁵ nwatî nîwakunîkanîrie mûthamaki wa Misiri na athigari ake a mbaara kûu îriarî îtune; nîûndû wendo wake ûtathiraga ûtûûraga tene na tene.

¹⁶ Nîke watongoririe andû ake makîvîtûkîrîra werûrî; nîûndû wendo wake ûtathiraga ûtûûraga tene na tene.

¹⁷ Nîwaûragire athamaki arîa maarî vinya, nîûndû wendo wake ûtathiraga ûtûûraga tene na tene;

¹⁸ na akîûraga athamaki arîa maarî îgweta; nîûndû wendo wake ûtathiraga ûtûûraga tene na tene;

¹⁹ Sihoni, mûthamaki wa Amori; nîûndû wendo wake ûtathiraga ûtûûraga tene na tene;

²⁰ na Ogu, mûthamaki wa Bashani; nîûndû wendo wake ûtathiraga ûtûûraga tene na tene;

²¹ na akîvecana vûrûri wao kûrî andû ake; nîûndû wendo wake ûtathiraga ûtûûraga tene na tene;

²² ûtuîke îgai rîa Isiraeli, ndungata ciake; nîûndû wendo wake ûtathiraga ûtûûraga tene na tene.

²³ Nîke watûririkanire rîrîa twarî avoote; nîûndû wendo wake ûtathiraga ûtûûraga tene na tene;

²⁴ na agîtûvonokia kuuma kûrî nthû cietû; nîûndû wendo wake ûtathiraga ûtûûraga tene na tene.

²⁵ Nîke ûvecaga ciûmbe cionthe irio; nîûndû wendo wake ûtathiraga ûtûûraga tene na tene.

²⁶ Cokeriani Ngai wa îgûrû ngatho; nîûndû wendo wake ûtathiraga ûtûûraga tene na tene.