Thaburi 130 - ÎVUKU RÎA ÛVORO MWARO

Îvoya rîa gwîtia ûtethio

¹ We Ngai-Mûnene nîragûkaîra nîûndû wa mathîna meengî marîa nîrî namo.

² We Ngai-Mûnene, îgua mûgambo wakwa, nthikîrîria ngîgûkaîra!

³ Kethîrwa we Ngai-Mûnene nwa ûririkane mevia metû, nû ûtangîverithua nîwe?

⁴ Nwatî we nîûtwovagîra, nîguo tûgûtîîage.

⁵ Mbetagîrîra Ngai-Mûnene na mwoyo wakwa wonthe, na nîîvokaga kiugo gîake.

⁶ Mbetagîrîra Ngai-Mûnene gûkîra ûrîa arangîri metagîrîra gûkîe, gûkîra ûrîa arangîri metagîrîra gûkîe.

⁷ We Isiraeli, îîvoke Ngai-Mûnene, nîûndû Ngai-Mûnene ethagîrwa arî na wendo ûtathiraga, na ethagîrwa arî na vinya mûnene wa kûvonokania.

⁸ Ke mwene nîke ûgaakûûra andû a Isiraeli, kuuma meviarî mao monthe.