Thaburi 13 - ÎVUKU RÎA ÛVORO MWARO

Îvoya rîa gwîtia ûtethio

¹ Ûûi, Ngai-Mûnene, nîûriganîrwa nînie nginya rî? Nîûthitha ûthiû waku kuuma kûrî nînie nginya rî?

² Nîndûûra nîrî na ûrûrû ngororî nginya rî? Nîndûûra nîrî na kîeva ngororî vîndî cionthe? Nthû ciakwa nîikenerera mathîna makwa nginya rî?

³ We Ngai-Mûnene, Ngai wakwa, nthikîrîria na ûmvingîrie ûrîa ngûkûria, njokeria vinya wakwa rîngî ndûkareke ngue.

⁴ Ndûgatûme nthû ciakwa ciuge atîrî, “Nîtûmûvootete”, ndûgatûme nthû ciakwa ikenerera kûvootwa gwakwa.

⁵ Nwatî nîîvokaga vîndî cionthe wendo waku ûtathiraga, nîngaakena nîûndû nîûkaamvonokia.

⁶ Nîngaakwinîra we, Ngai-Mûnene, nîûndû nî ûmbîkîte maûndû maro.