Thaburi 129 - ÎVUKU RÎA ÛVORO MWARO

Kûvoya nîguo nthû cia Isiraeli ivootwe

¹ Nthû ciakwa itwîre inyamaragia kuuma nîrî mwîthî andû onthe Isiraeli nîmauge ûguo.

² “Nthû ciakwa itwîre inyamaragia kuuma nîrî mwîthî, kûnarî ûguo itianamvoota.

³ Nthû ciakwa nîcianguraririe mûrukuthu, ngîkara ta mûgûnda ûrîmîtwe na mûraû.

⁴ Nwatî Ngai-Mûnene nî mûthingu, nîatinangîtie mînyororo ya andû acio aganu, îrîa maranjovete nayo.”

⁵ Arîa onthe mamenete Zayuni, maroconorithua na macokithue.

⁶ Marotuîka ta nyaki îmerete îgûrû rîa nyomba, îrîa yûmaga mbere ya îkûra;

⁷ ndîcûraga ngundi ya mûndû ûrîa ûkûmîtinia kana îgana ya kwovwa itîîa.

⁸ Arîa mavîtûkagîrîra vakuvî matiugaga atîrî, “Ngai-Mûnene aromûrathima! Nîtwamûrathima na rîîtwa rîa Ngai-Mûnene.”