Thaburi 128 - ÎVUKU RÎA ÛVORO MWARO

Kîveo nîûndû wa kwathîkîra Ngai-Mûnene

¹ Gûkena nî andû arîa metigagîra Ngai-Mûnene, arîa marûmagîrîra njîra ciake.

² Makaarîcaga maciaro ma wîra wa njara ciao; nîmagaakena na mathatûkwe nîguo.

³ Mûkaguo agekaraga ta mûthavibu ûrîa ûciaraga mûno arî gwaku mûciî; ciana ciaku ikethagîrwa ciîkariî ta matumû ma mûtî wa mûtamaiyû ithiûrûrûkîrîtie metha yaku.

⁴ Ûguo nîguo mûndû ûrîa wîtigîrîte Ngai-Mûnene akaarathimwa.

⁵ Ûguo nîguo mûndû ûrîa wîtigîrîte Ngai-Mûnene akaarathimagwa! Arotûma wonage mûnyaka wa Jerusalemu, ûtûûrorî waku wonthe!

⁶ Ûrotûûra nginya ûkoona ciana cia ciana ciaku! Isiraeli kûrogîa thayû!