Thaburi 127 - ÎVUKU RÎA ÛVORO MWARO

Gûkumia wega wa Ngai

¹ Tiga nyomba îtumirwe nî Ngai-Mûnene, arîa mamîtumaga marutaga wîra wa mana. Tiga Ngai-Mûnene amenyerere îtûûra, mûrangîri arutaga wîra wa mana.

² Mûrutaga wîra wa mana rîrîa mûkûramûka tene, na mûkamamaga mûrî acerere, mûkîruta wîra na vinya nîguo mwone gîa kûrîa; Ngai-Mûnene avecaga arîa endete gîa kûrîa marî toro.

³ Ciana, nî îgai kuuma kûrî Ngai-Mûnene; ciana nî kîveo kuuma kûrî ke.

⁴ Ciana irîa mûndû aciarîte arî mwîthî, nîta mîguî îrî njararî ya mûndû njamba.

⁵ Gûkena nî mûndû ûrîa wîcûrîtie thiaka yake mîguî. Ke ndagaaconoka agîcira na nthû ciake arî karengerere.