Thaburi 122 - ÎVUKU RÎA ÛVORO MWARO

Gûkumia Jerusalemu

¹ Nînakenire rîrîa maambîrire atîrî, “Tigani tûthiî nyombarî ya Ngai-Mûnene.”

² Rîu nîkuo tûrûngamîte, ivingorî ciaku, we Jerusalemu!

³ Jerusalemu, îtumîtwe ta îtûûra rîrî rînyitanu vamwe.

⁴ Kûu nîkuo mîvîrîga yunûkagia, mîvîrîga ya Ngai-Mûnene, wata ûrîa andû a Isiraeli maathîtwe, macokagîrie Ngai-Mûnene ngatho.

⁵ Kûu nîkuo itî cia gûcirithanîria cigîtwe, itî cia ûthamaki wa nyomba ya Daudi.

⁶ Voyani nîguo Jerusalemu kûgîe thayû, “Arîa makwendete marothatûkwa.

⁷ Thayû ûrogîa kûrî andû a Jerusalemu, nyombarî cienyu cia athamaki kûgîe na ûgitîri.”

⁸ Nîûndû wa andû etû na arata etû, nîmbuga atîrî, “Jerusalemu kûrotûûra na thayû!”

⁹ Nîûndû wa nyomba ya Ngai-Mûnene, Ngai wetû, ngaakûvoyagîra ûthatûkwe!