Thaburi 114 - ÎVUKU RÎA ÛVORO MWARO

Rwîmbo rwa pasaka

¹ Rîrîa andû a Isiraeli maaumire Misiri, rîrîa njiarwa cia Jakovu ciaumire vûrûrirî mûgeni;

² Juda gwatuîkire kûndû kûrîa Ngai-Mûnene agoocagîrwa, Isiraeli gûgîtuîka kûrîa athanaga.

³ Îria rîonire ûndû ûcio na rîkîûra, rûnjî rwa Jorodani rûgîtiga kûnyûrûrûka.

⁴ Irîma ciarûgarûgaga ta ndûrûme, tûrîma twarûgarûgaga ta tûgondu!

⁵ We îria, gwekîkire atîa nîguo ûûre? Nawe Jorodani, watigire kûnyûrûrûka nîkî?

⁶ Mue irîma, mwarûgarûgaga ta ndûrûme nîkî? Mue tûrîma, mwarûgarûgaga ta tûgondu nîkî?

⁷ We nthî, inaina ûrî mbere ya Ngai-Mûnene; ûrî mbere ya Ngai wa Jakovu;

⁸ ûrîa ûgarûraga rûciara rwa îthiga rûgatuîka îria rîa manjî, na mathiga marîa maûmû magatuîka ithima cia manjî.