Thaburi 113 - ÎVUKU RÎA ÛVORO MWARO

Gûkumia Ngai-Mûnene nîûndû wa ûtugi wake

¹ Kumiani Ngai-Mûnene! Mue ndungata cia Ngai-Mûnene mûkumieni, kumiani rîîtwa rîake!

² Rîîtwa rîa Ngai-Mûnene rîrokumua, kuuma rîu nginya tene na tene.

³ Kuuma îrathîro nginya îthûîro, rîîtwa rîa Ngai-Mûnene rîrokumua!

⁴ Ngai-Mûnene athaga mavûrûri monthe, na riiri wake ûkinyîte îgûrû matuurî.

⁵ Nîûrîkû wîkariî ta Ngai-Mûnene Ngai wetû? Ke atûûraga îgûrû mûno,

⁶ nwatî nîenamagîrîra akaroria nthî, nîguo one îgûrû na nthî.

⁷ Aûkagîrîria athîni kuuma rûkûngûrî, na akarûngamia ngîa kuuma ûkîarî wao;

⁸ atûmaga mekaranîre na athamaki, vamwe na anene a andû ake.

⁹ Ngai-Mûnene nîavecaga mûndûmûka nthata mûciî; na agatûma agîe na gîkeno nîûndû wa kûmûva ciana. Kumiani Ngai-Mûnene!