Thaburi 11 - ÎVUKU RÎA ÛVORO MWARO

Kwîvoka Ngai-Mûnene

¹ Nthiîcaga kûrî Ngai-Mûnene nîguo angitîre, mûngîvota kûmbîra atîa, “Gûrûka ta gîconi ûthiî irîmarî,

² nîûndû andû arîa aganu nîatungu moota mao na mageekîra mîguî ngaarî, marathe andû arîa athingu kûrî na nduma.

³ Rîrîa mîcingi ya andû yacûkangua, mûndû ûrîa mûthingu angîka atîa?”

⁴ Ngai-Mûnene arî hekarûrî yake ntheru, gîtî gîake Kîam ûthamaki kîrî kûu îgûrû, aroragia andû onthe kûrîa marî na nîamenyaga maûndû monthe marîa mekaga.

⁵ Ngai-Mûnene nîatuîragia andû arîa athingu na arîa aganu, na nîamenete andû arîa ndûrîka na ngoro yake yonthe.

⁶ Nîakaaurithîria andû arîa aganu makara ma mwaki na ûviriti ta mbura, nîakaamaverithia na rûkûngi rûrî na ûrugarî mûnene.

⁷ Ngai-Mûnene nî mûthingu na nîendete ciîko cia ûthingu, andû arîa mekaga ciîko cia ûthingu nî magaatûûrania nake.