Thaburi 108 - ÎVUKU RÎA ÛVORO MWARO

Îvoya rîa ûvootani

¹ Ngoro yakwa nîîkindîrîtie we Ngai! ngaakwinîra na ngûkumie! Ngoro yakwa, ûkîra!

² Ûkîra, we ngita na kînanda! Nîngûkîra mbere ya gûkîe.

³ We Ngai-Mûnene, nîngaagûcokeria ngatho gatagatîrî ka mavûrûri. Nîngaaina nyîmbo cia gûgûkumia nîrî gatagatî ka andû.

⁴ Wendo waku ûtathiraga nî mûnene ûkavîtûka îgûrû, wîvokeku waku ûkinyîte matuurî.

⁵ We Ngai, ûrokumua îgûrû matuurî! Tiga riiri waku wîcûre nthî yonthe.

⁶ Tûvonokie na vinya waku, na ûnjokerie îvoya rîakwa, nîguo andû aku arîa wendete makûûrwe.

⁷ Ngai arî kûrîa gwake kûtheru eranîrîte atîrî, “Nîngaagaania Shekemu njanjamûkîte mûno, na ngaanie Kîamnda gîa Sukothu icunjî icunjî.

⁸ Gileadi nî yakwa, na Manase nî yakwa; Efiraimu nî ngovia yakwa ya kûgitîra kîongo, Juda nî mûragi wakwa wa ûtongoria.

⁹ Moabu nîyo karaî gakwa ga kwîthambîria, na iratû ciakwa nîcikagia Edomu. Nîngaaugîrîria nîûndû wa kûvoota vûrûri wa Filisiti.”

¹⁰ Nîûrîkû ûkaamvira îtûûrarî rîrîa ririgîre? Nîûrîkû ûkaamvira Edomu?

¹¹ Ûûi Ngai, nîkwa ûtûtiganîrîtie viû? Anga tîûthiîcania na athigari etû mbaararî?

¹² Tûtethie kûrûa na nthû cietû; nîûndû ûtethio wa mûndû nîwa mana.

¹³ Ngai arî mwena wetû nîtûkaavootana; nîke ûgaakinyangîra nthû cietû nthî.