Nthi 8 - ÎVUKU RÎA ÛVORO MWARO

Gûkumia Ûûgî

¹ Tathikîrîriani! Ûûgî nîaretana, ûmenyo nîaraugîrîria.

² Arûngamîte vandû vatûgîru rûtere rwa njîra, arûngamîte makathîkanorî ma njîra.

³ Arûngamîte kîvingorî gîa gûtonya îtûûrarî, arî kîvingorî gîa îtûûra, araugîrîria akiugaga atîrî,

⁴ “Mue andû onthe, nînîramwîta, nîaraugîrîria kûrî andû onthe a nthî.

⁵ Mue arîa mûtarî aûgî, gîani na ûmenyo, mue andû arîa aritu, îîthomithieni kûgîa na ûmenyo.

⁶ Thikîrîriani, nîûndû nîmbaria maûndû ma vata na nînîmwîra maûndû marîa magîrîrîte,

⁷ nîûndû mbaragia maûndû ma ma; na waganu nî mûgiro kanyuarî gakwa.

⁸ Maûndû monthe marîa mbaragia nî ma ma; tî ma maveeni kana ma kûvîtithia mûndû.

⁹ Maûndû mau monthe nîmataûkagîra mûndû ûrîa ûrî na ûmenyo, na mûndû ûrîa ûrî na ûtaûku nîamenyaga, atî nî ma ma.

¹⁰ Îîthuurîreni kîrîra gîakwa îthenya rîa sîlûva, na mwîthuurîre ûmenyo îthenya rîa thaavu ntheri.

¹¹ “Ûûgî nî mwaro gûkîra mathaga, na kîndû wa kîonthe ûngîîrirîria, gûtirî kîngîringithanua naguo.

Kwîmenyithania kwa Ûûgî

¹² Nie ûûgî, ndûûranagia na ûmenyo, mbîthagîrwa nîrî na ûtaûku na wara.

¹³ Gwîtigîra Ngai-Mûnene nî kûthûûra maûndû macûku; nî nthûrîte mwîtîîo, mwîcaaro, maûndû macûku na maûndû ma kûvîtithia andû.

¹⁴ Nîrî ûtaaro na nîrî ûûgî mwîngî, nîrî ûtaûku na vinya.

¹⁵ Nîmvotithagia athamaki kwathana, na nîmvotithagia atongoria gûtunga watho ûrîa mwagîrîru.

¹⁶ Nîmvotithagia athani kwathana, wana anene arîa matongoragia andû gûkû nthî.

¹⁷ Nîmendete arîa mamendete, na arîa manjaragia na kinyi nîmamonaga.

¹⁸ Nînie mvecanaga ûtonga na gîtîîo, ûtonga ûrîa ûtathiraga na ûthiî wa na mbere.

¹⁹ Kîrîa mvecanaga nî Kîamro gûkîra thaavu, wana gûkîra thaavu ntheri, na kîrîa mûndû anyitaga nî Kîamro gûkîra sîlûva.

²⁰ Ndûûraga na njîra ya ûthingu, nûmagîrîra njîra cia kîvooto.

²¹ Nîmvecanaga ûtonga kûrî arîa mamendete, na ngecûria makûmbî mao na indo cia goro.

Kîambîrîria kîa Ûûgî

²² “Nie nînie Ngai-Mûnene aaûmbire mbere ya aûmba indo cionthe, nînie aaûmbire tene nîrî wa mbere akîambîrîria wîra wake.

²³ Tene mûno Kîammbîrîriarî nîrîo naaûmbirwe, nînie naarî wa mbere nthî îtanaûmbwa.

²⁴ Naciarirwe mbere ya maria maûmbwa, rîrîa gûtaarî na kûndû kûrîa kûtherûkaga manjî.

²⁵ Naciarirwe mbere ya irîma ciûmbwa, naciarirwe mbere ya tûrîma tûmbwa.

²⁶ Naarî kuo mbere ya Ngai-Mûnene aûmba nthî na mîgûnda, wana mbere ya aûmba mûthetu.

²⁷ Akiga îgûrû varîa rîrî, naarî vo, akîamûrania îgûrû na îria, naarî vo.

²⁸ Vîndî îrîa aaigire matu îgûrû, na akîrûtha tûrûnjî twa îriarî.

²⁹ Naarî vo vîndî îrîa aarûthire mîvaka ya îria nîguo îria rîtikavîtûke varîa aarîathire rîkinye. Naarî vo rîrîa aarûthire mîcingi ya nthî.

³⁰ Naarî vamwe nake ta mûndû ûrî na wara, nînie naarî gîkeno gîake Kîam wa mûthenya, na nînaakenaga nîke vîndî cionthe.

³¹ Nîwakenaga nî nthî yake na agakenua nî andû a nthî.

³² “Na rîu ciana ciakwa, nthikîrîriani, mûngîka ûrîa nîramwîra, nîmûgaakena.

³³ Athîkagîrani ûrîa nîramûthomithia nîguo mûvîge, mûtikaregane naguo.

³⁴ Gûkena nî mûndû wa wonthe ûrîa ûnthikagîrîria, ûrîa wîkaraga kîvingorî gîakwa mûthenya wa mûthenya, ûrîa wetagîrîra mûromorî wa nyomba yakwa.

³⁵ Andû arîa manjaragia na makamona nîmagîcaga na ûtûûro mûraca, na Ngai-Mûnene nîakenagua nî o.

³⁶ Nwatî arîa matamonaga metivagia o ene, arîa mamenete nîmendete gîkuû.”