Ndari 7 - ÎVUKU RÎA ÛVORO MWAROMatega ma atongoria 1 Mûthenya ûrîa Musa aathiririe gûtuma îgema rîa gûcemanîrua nîwarîamûrire na akîrathima indo cionthe cia rîo, wa vamwe na metha ya kîgongoona na indo cionthe ciayo. 2 Atongoria a mîvîrîga ya andû a Isiraeli, arîa maarî anene a nyomba cia methe mao na maarûngamagîrîra andû magîtarwa, 3 nîmaavirire matega mao kûrî Ngai-Mûnene. Namo maarî: Ikaari ithathatû ino ngunîke cia kûguucua, na ndegwa îkûmi na igîrî. Wa gîkaari Kîamthiîcaga na atongoria aîrî, na wa ndegwa îmwe îkathiî na mûtongoria ûmwe. Marîkia kûnenganîra matega kûrî Ngai-Mûnene, 4 Ngai-Mûnene nîwerire Musa atîrî, 5 “Amûkîra indo ino, nîguo itûmagîrwe îgemarî rîa Ngai-Mûnene na ûinenganîre kûrî Alawi nîguo maitûmagîre wa mûndû kûringana na wîra wake.” 6 Kwoguo Musa nîwanenganîre ikaari na ndegwa icio kûrî Alawi. 7 Nîwanengere andû a Gerishoni ndegwa inya na ikaari igîrî. 8 Nîwanengere andû a Merari ikaari inya na ndegwa inyanya. Maarutaga wîra wao marûngamîrîrîtwe nî Ithamaru mûvîcî wa mûthînjîri-Ngai Aroni. 9 Nwatî Musa ndaanengera andû a Kohathu gîkaari kana ndegwa wanarî îmwe nîûndû wîra wao warî wa gûkuua indo irîa nyamûre, na maaikuuaga na ituro. 10 Atongoria nîmaarutire matega nîûndû wa gûkûngûîra metha ya kîgongoona îkîamûrwa. Na rîrîa meevarîrie kûvira matega metharî ya kîgongoona, 11 Ngai-Mûnene nîwerire Musa atîrî, “Wa mûtongoria akaaviraga kîveo gîake vau metharî ya kîgongoona mûthenya wake.” 12 Mûndû ûrîa warutire îtega rîake mûthenya wa mbere kûrî Ngai-Mûnene aarî Nahashoni mûvîcî wa Aminadabu wa kuuma mîvîrîgarî wa Juda. 13 Îtega rîake rîarî thaani ya sîlûva ya ûrito wa kilo îmwe na nuthu (1.5 kg), karaî kamwe ga sîlûva karî na ûrito wa ngiramu magana manana (800 g) kûringana na kîthimi kîrîa Kîamrî gîtîkîrîku. Thaani îo na karaî kau, ciethagîrwa ciîcûrîte mûtu ûtukanîtue na maguta na ciarî cia îtega rîa irio cia mûgûnda. 14 Mbakûri îmwe ya thaavu yarî na ûrito wa ngiramu îgana rîa îkûmi (110 g), îcûrîte ûbani, 15 ndegwa îtarî ngûrû, ndûrûme îmwe na gatûrûme ga ûkûrû wa mwaka ûmwe irî îtega rîa kûvîvua, 16 na nthenge îmwe ya îtega rîa kûtheria mevia; 17 ndegwa igîrî, ndûrûme ithano, nthenge ithano, na tûtûrûme tûtano twa ûkûrû wa mwaka ûmwe irî îgongoona rîa îtega rîa thayû. 18 Nake ûrîa warutire îtega rîake kûrî Ngai-Mûnene mûthenya wa kaîrî aarî Nathanieli mûvîcî wa Zuari kuuma mûvîrîgarî wa Isakaru. 19 Îtega rîake rîarî thaani ya sîlûva ya ûrito wa kilo îmwe na nuthu, (1.5 kg), karaî kamwe ga sîlûva karî na ûrito wa ngiramu magana manana (800 g), kûringana na kîthimi kîrîa Kîamrî gîtîkîrîku. Thaani îo na karaî kau, ciethagîrwa ciîcûrîte mûtu ûtukanîtue na maguta na cairi cia îtega rîa irio cia mûgûnda. 20 Mbakûri îmwe ya thaavu yarî na ûrito wa ngiramu îgana rîa îkûmi (110 g), îcûrîte ûbani, 21 ndegwa îtarî ngûrû, ndûrûme îmwe na gatûrûme ga ûkûrû wa mwaka ûmwe irî îtega rîa kûvîvua, 22 na nthenge îmwe ya îtega rîa kûtheria mevia; 23 ndegwa igîrî, ndûrûme ithano, nthenge ithano, na tûtûrûme tûtano twa ûkûrû wa mwaka ûmwe irî îgongoona rîa îtega rîa thayû. 24 Nake ûrîa warutire îtega rîake kûrî Ngai-Mûnene mûthenya wa kathatû aarî Eliabu mûvîcî wa Heloni kuuma mûvîrîgarî wa Zebuluni. 25 Îtega rîake rîarî thaani ya sîlûva ya ûrito wa kilo îmwe na nuthu (1.5 kg), karaî kamwe ga sîlûva karî na ûrito wa ngiramu magana manana (800 g), kûringana na kîthimi kîrîa Kîamrî gîtîkîrîku. Thaani îo na karaî kau, ciethagîrwa ciîcûrîte mûtu ûtukanîtue na maguta na ciarî îtega rîa irio cia mûgûnda. 26 Thaani îmwe ya thaavu ya ûrito wa ngiramu îgana rîa îkûmi (110 g) îcûrîte ûbani, 27 ndegwa îtarî ngûrû, ndûrûme îmwe na gatûrûme ga ûkûrû wa mwaka ûmwe irî îtega rîa kûvîvua, 28 na nthenge îmwe ya îtega rîa kûtheria mevia; 29 ndegwa igîrî, ndûrûme ithano, nthenge ithano, na tûtûrûme tûtano twa ûkûrû wa mwaka ûmwe irî îgongoona rîa îtega rîa thayû. 30 Nake ûrîa warutire îtega rîake mûthenya wa kana aarî Elizuri mûvîcî wa Shedeuri kuuma mûvîrîgarî wa Reubeni. 31 Îtega rîake rîarî thaani ya sîlûva ya ûrito wa kilo îmwe na nuthu (1.5 kg), karaî kamwe ga sîlûva karî na ûrito wa ngiramu magana manana (800 g), kûringana na kîthimi kîrîa Kîamrî gîtîkîrîku. Thaani îo na karaî kau, ciethagîrwa ciîcûrîte mûtu ûtukanîtue na maguta na ciarî îtega rîa irio cia mûgûnda. 32 Thaani îmwe ya thaavu ya ûrito wa ngiramu îgana rîa îkûmi (110 g) îcûrîte ûbani, 33 ndegwa îtarî ngûrû, ndûrûme îmwe na gatûrûme ga ûkûrû wa mwaka ûmwe irî îtega rîa kûvîvua, 34 na nthenge îmwe ya îtega rîa kûtheria mevia; 35 ndegwa igîrî, ndûrûme ithano, nthenge ithano, na tûtûrûme tûtano twa ûkûrû wa mwaka ûmwe irî îgongoona rîa îtega rîa thayû. 36 Nake ûrîa warutire îtega rîake mûthenya wa gatano aarî Shelumieli mûvîcî wa Zurishadai kuuma mûvîrîgarî wa Simeoni. 37 Îtega rîake rîarî thaani ya sîlûva ya ûrito wa kilo îmwe na nuthu (1.5 kg), karaî kamwe ga sîlûva karî na ûrito wa ngiramu magana manana (800 g), kûringana na kîthimi kîrîa Kîamrî gîtîkîrîku. Thaani îo na karaî kau, ciethagîrwa ciîcûrîte mûtu ûtukanîtue na maguta na ciarî îtega rîa irio cia mûgûnda. 38 Thaani îmwe ya thaavu ya ûrito wa ngiramu îgana rîa îkûmi (110 g) îcûrîte ûbani, 39 ndegwa îtarî ngûrû, ndûrûme îmwe na gatûrûme ga ûkûrû wa mwaka ûmwe irî îtega rîa kûvîvua, 40 na nthenge îmwe ya îtega rîa kûtheria mevia; 41 ndegwa igîrî, ndûrûme ithano, nthenge ithano, na tûtûrûme tûtano twa ûkûrû wa mwaka ûmwe irî îgongoona rîa îtega rîa thayû. 42 Nake ûrîa warutire îtega rîake mûthenya wa gatandatû aarî Eliasafu mûvîcî wa Deueli kuuma mûvîrîgarî wa Gadi. 43 Îtega rîake rîarî thaani ya sîlûva ya ûrito wa kilo îmwe na nuthu (1.5 kg), karaî kamwe ga sîlûva karî na ûrito wa ngiramu magana manana (800 g), kûringana na kîthimi kîrîa Kîamrî gîtîkîrîku. Thaani îo na karaî kau, ciethagîrwa ciîcûrîte mûtu ûtukanîtue na maguta na ciarî îtega rîa irio cia mûgûnda. 44 Thaani îmwe ya thaavu ya ûrito wa ngiramu îgana rîa îkûmi (110 g) îcûrîte ûbani, 45 ndegwa îtarî ngûrû, ndûrûme îmwe na gatûrûme ga ûkûrû wa mwaka ûmwe irî îtega rîa kûvîvua, 46 na nthenge îmwe ya îtega rîa kûtheria mevia; 47 ndegwa igîrî, ndûrûme ithano, nthenge ithano, na tûtûrûme tûtano twa ûkûrû wa mwaka ûmwe irî îgongoona rîa îtega rîa thayû. 48 Nake ûrîa warutire îtega rîake mûthenya wa mûgwanja aarî Elishama mûvîcî wa Amihudi kuuma mûvîrîgarî wa Efiraimu. 49 Îtega rîake rîarî thaani ya sîlûva ya ûrito wa kilo îmwe na nuthu (1.5 kg), karaî kamwe ga sîlûva karî na ûrito wa ngiramu magana manana (800 g), kûringana na kîthimi kîrîa Kîamrî gîtîkîrîku. Thaani îo na karaî kau, ciethagîrwa ciîcûrîte mûtu ûtukanîtue na maguta na ciarî îtega rîa irio cia mûgûnda. 50 Thaani îmwe ya thaavu ya ûrito wa ngiramu îgana rîa îkûmi (110 g) îcûrîte ûbani, 51 ndegwa îtarî ngûrû, ndûrûme îmwe na gatûrûme ga ûkûrû wa mwaka ûmwe irî îtega rîa kûvîvua, 52 na nthenge îmwe ya îtega rîa kûtheria mevia; 53 ndegwa igîrî, ndûrûme ithano, nthenge ithano, na tûtûrûme tûtano twa ûkûrû wa mwaka ûmwe irî îgongoona rîa îtega rîa thayû. 54 Nake ûrîa warutire îtega rîake mûthenya wa kanana aarî Gamalieli mûvîcî wa Pedahazuri kuuma mûvîrîgarî wa Manase. 55 Îtega rîake rîarî thaani ya sîlûva ya ûrito wa kilo îmwe na nuthu (1.5 kg), karaî kamwe ga sîlûva karî na ûrito wa ngiramu magana manana (800 g), kûringana na kîthimi kîrîa Kîamrî gîtîkîrîku. Thaani îo na karaî kau, ciethagîrwa ciîcûrîte mûtu ûtukanîtue na maguta na ciarî îtega rîa irio cia mûgûnda. 56 Thaani îmwe ya thaavu ya ûrito wa ngiramu îgana rîa îkûmi (110 g) îcûrîte ûbani, 57 ndegwa îtarî ngûrû, ndûrûme îmwe na gatûrûme ga ûkûrû wa mwaka ûmwe irî îtega rîa kûvîvua, 58 na nthenge îmwe ya îtega rîa kûtheria mevia; 59 ndegwa igîrî, ndûrûme ithano, nthenge ithano, na tûtûrûme tûtano twa ûkûrû wa mwaka ûmwe irî îgongoona rîa îtega rîa thayû. 60 Nake ûrîa warutire îtega rîake mûthenya wa kenda aarî Abidani mûvîcî wa Gideoni kuuma mûvîrîgarî wa Benjamini. 61 Îtega rîake rîarî thaani ya sîlûva ya ûrito wa kilo îmwe na nuthu (1.5 kg), karaî kamwe ga sîlûva karî na ûrito wa ngiramu magana manana (800 g), kûringana na kîthimi kîrîa Kîamrî gîtîkîrîku. Thaani îo na karaî kau, ciethagîrwa ciîcûrîte mûtu ûtukanîtue na maguta na ciarî îtega rîa irio cia mûgûnda. 62 Thaani îmwe ya thaavu ya ûrito wa ngiramu îgana rîa îkûmi (110 g) îcûrîte ûbani, 63 ndegwa îtarî ngûrû, ndûrûme îmwe na gatûrûme ga ûkûrû wa mwaka ûmwe irî îtega rîa kûvîvua, 64 na nthenge îmwe ya îtega rîa kûtheria mevia; 65 ndegwa igîrî, ndûrûme ithano, nthenge ithano, na tûtûrûme tûtano twa ûkûrû wa mwaka ûmwe irî îgongoona rîa îtega rîa thayû. 66 Nake ûrîa warutire îtega rîake mûthenya wa îkûmi aarî Ahiezeri mûvîcî wa Amishadai kuuma mûvîrîgarî wa Dani 67 Îtega rîake rîarî thaani ya sîlûva ya ûrito wa kilo îmwe na nuthu (1.5 kg), karaî kamwe ga sîlûva karî na ûrito wa ngiramu magana manana (800 g), kûringana na kîthimi kîrîa Kîamrî gîtîkîrîku. Thaani îo na karaî kau, ciethagîrwa ciîcûrîte mûtu ûtukanîtue na maguta na ciarî îtega rîa irio cia mûgûnda. 68 Thaani îmwe ya thaavu ya ûrito wa ngiramu îgana rîa îkûmi (110 g) îcûrîte ûbani, 69 ndegwa îtarî ngûrû, ndûrûme îmwe na gatûrûme ga ûkûrû wa mwaka ûmwe irî îtega rîa kûvîvua, 70 na nthenge îmwe ya îtega rîa kûtheria mevia; 71 ndegwa igîrî, ndûrûme ithano, nthenge ithano, na tûtûrûme tûtano twa ûkûrû wa mwaka ûmwe irî îgongoona rîa îtega rîa thayû. 72 Nake ûrîa warutire îtega rîake mûthenya wa îkûmi na ûmwe aarî Pagieli mûvîcî wa Okorani kuuma mûvîrîgarî wa Asheri. 73 Îtega rîake rîarî thaani ya sîlûva ya ûrito wa kilo îmwe na nuthu (1.5 kg), karaî kamwe ga sîlûva karî na ûrito wa ngiramu magana manana (800 g), kûringana na kîthimi kîrîa Kîamrî gîtîkîrîku. Thaani îo na karaî kau, ciethagîrwa ciîcûrîte mûtu ûtukanîtue na maguta na ciarî îtega rîa irio cia mûgûnda. 74 Thaani îmwe ya thaavu ya ûrito wa ngiramu îgana rîa îkûmi (110 g) îcûrîte ûbani, 75 ndegwa îtarî ngûrû, ndûrûme îmwe na gatûrûme ga ûkûrû wa mwaka ûmwe irî îtega rîa kûvîvua, 76 na nthenge îmwe ya îtega rîa kûtheria mevia; 77 ndegwa igîrî, ndûrûme ithano, nthenge ithano, na tûtûrûme tûtano twa ûkûrû wa mwaka ûmwe irî îgongoona rîa îtega rîa thayû. 78 Nake ûrîa warutire îtega rîake mûthenya wa îkûmi na îîrî aarî Ahira mûvîcî wa Enani kuuma mûvîrîgarî wa Nafutali 79 Îtega rîake rîarî thaani ya sîlûva ya ûrito wa kilo îmwe na nuthu (1.5 kg), karaî kamwe ga sîlûva karî na ûrito wa ngiramu magana manana (800 g), kûringana na kîthimi kîrîa Kîamrî gîtîkîrîku. Thaani îo na karaî kau, ciethagîrwa ciîcûrîte mûtu ûtukanîtue na maguta na ciarî îtega rîa irio cia mûgûnda. 80 Thaani îmwe ya thaavu ya ûrito wa ngiramu îgana rîa îkûmi (110 g) îcûrîte ûbani, 81 ndegwa îtarî ngûrû, ndûrûme îmwe na gatûrûme ga ûkûrû wa mwaka ûmwe irî îtega rîa kûvîvua, 82 na nthenge îmwe ya îtega rîa kûtheria mevia. 83 Ndegwa igîrî, ndûrûme ithano, nthenge ithano, na tûtûrûme tûtano twa ûkûrû wa mwaka ûmwe irî îgongoona rîa tega rîa thayû. 84 Matega monthe marîa maarutirwe nî atongoria a Isiraeli nîûndû wa metha ya kîgongoona mûthenya ûrîa wamûrîtwe maarî: Thaani îkûmi na igîrî cia sîlûva (12), tûraî îkûmi na twîrî twa sîlûva (12), na tûthaani îkûmi na twîrî twa thaavu (12). 85 Wa thaani îmwe ya sîlûva yarî na ûrito wa kilo îmwe na nuthu (1.5 kg) na wa kathaani kamwe kaarî na ûrito wa ngiramu magana manana (800 g). Indo icio cionthe ciarî na ûrito wa kilo mîrongo îîrî na mûgwanja na ngiramu magana matandatû (27.6 kg) kûringana na kîthimi kîrîa gîtîkîrîku. 86 Nacio thaani irîa îkûmi na igîrî cia thaavu ciîcûrîte ûbani wa îmwe yarî na ûrito wa ngiramu îgana rîa îkûmi (110 g) kûringana na kîthimi kîrîa gîtîkîrîku. Icio cionthe ciarî na ûrito wa kilo îmwe na ngiramu magana mathatû ma mîrongo îîrî (1.320 kg). 87 Nyamû cionthe cia kûrîthua irîa ciarutirwe nîûndû wa îtega rîa kûvîvua ciarî: ndegwa îkûmi na igîrî, ndûrûme îkûmi na igîrî, tûtûrûme îkûmi na twîrî twa ûkûrû wa mwaka ûmwe na irio irîa irutagwa vamwe na matega mau irî îtega rîa kûvîvua, na nthenge îkûmi na igîrî irî îtega rîa kûtheria mevia. 88 Nyamû cionthe cia kûrîthua irîa ciarutagwa irî îgongoona rîa îtega rîa thayû ciarî ndegwa mîrongo îîrî na inya (24), ndûrûme mîrongo îtandatû (60), nthenge mîrongo îtandatû (60), na tûtûrûme twa ûkûrû wa mwaka ûmwe mîrongo îtandatû (60). 89 Rîrîa Musa aathiîre îgemarî rîa gûcemanîrua kwaria na Ngai-Mûnene, nîwegwire mûgambo ûkîmwarîria umîte varîa mevia movanagîrwa varîa vaarî îgûrû rîa îthandûkû rîa kîrîkanîro gatagatî ka akerubi aîrî. |
©Bible Society of Kenya, 2019
Bible Society of Kenya