Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

Kîam 13 - ÎVUKU RÎA ÛVORO MWARO


Aburamu na Loti nîmaatiganire

1 Aburamu nîwaumire Misiri marî na mûka, Loti na indo cionthe irîa aarî nacio. Nîmaathiîre magîkinya Negebu mwena wa îveti wa Kanaani.

2 Aburamu aarî na ûtonga mwîngî mûno wa ng'ombe, ng'ondu, mbûri, sîlûva na thaavu.

3 Aburamu nîwaumire Negebu na akîvîtûkîrîra kûndû na kûndû na agîkinya Betheli varîa aambîte îgema rîake mbererî gatagatî ka Betheli na Ai.

4 Vau nwavo aathondekerete Ngai-Mûnene metha ya kîgongoona na akîmûgooca.

5 Loti wanake aarî na ng'ondu, mbûri, na ng'ombe wa vamwe na andû a mûciî wake na ndungata ciake.

6 Aburamu na Loti maarî na wa mûndû na ndîthia nene, na matiarî na kûndû gwa kûrîthia kwîganu.

7 Kwoguo nîkwagîre na ngucanio gatagatî ka arîthi a Aburamu na a Loti. Vîndî îo Akanaani na Aperizi nîo maatûûraga vûrûrirî ûcio.

8 Nake Aburamu nîwerire Loti atîrî, “Nie nawe nîtûkonenie, na kwoguo gûtiagîrîrwe nî kwîthîrwa kûrî na mbaara gatagatî ka arîthi aku na akwa.

9 Kwoguo tiga tûtigane. Thuura mwena wa vûrûri ûrîa ûkwenda kûthiî. Wathiî mwena ûmwe nanie nînthiî ûcio wîngî.”

10 Loti nîwaroririe na akîona atî Kîamnda kîonthe Kîam Rûnjî rwa Jorodani, kûthiî nginya Zoari Kîamrî na manjî meengî, wata mûgûnda wa Ngai-Mûnene kana ta vûrûri wa Misiri. Vîndî îno Ngai-Mûnene ndaarî mûcûkangiu matûûra ma Sodomu na Ngomora.

11 Kwoguo Loti nîwethuurîre Kîamnda Kîam Jorodani, na akîthiî mwena wa îrathîro. Ûguo nîguo andû acio aîrî maatiganire.

12 Aburamu aatûûrire Kanaani, nake Loti akîthiî agîtûûra matûûrarî marîa maarî Kîamndarî Kîam Jorodani na akîamba îgema vakuvî na Sodomu.

13 Andû a kûu Sodomu maarî evia na nîmeekaga maûndû macûku mûno marî mbere ya Ngai-Mûnene.


Aburamu nîwathiîre Heburoni

14 Vuva wa Loti kûthiî, Ngai-Mûnene nîwerire Aburamu atîrî, “Taroria mîena yonthe waro ûrî vau ûrî.

15 We vamwe na njiarwa ciaku nîngaamûva vûrûri wonthe ûcio mûrona, nîguo ûtuîke wenyu tene na tene.

16 Nie nîngaatûma njiarwa ciaku ituîke nyîngî wata mûthetu wa nthî na gûtirî mûndû ûkaavota gûitara!

17 Rîu ûkîra ûthiî ûkarorie vûrûri ûcio wonthe, nîûndû nîwe ngûva guo.”

18 Nake Aburamu nîwathaamirie îgema rîake na akîthiî gûtûûra Heburoni vakuvî na mîtî îrîa mîamûre ya Mamure. Aburamu nîwatumîre Ngai-Mûnene metha ya kîgongoona vo.

©Bible Society of Kenya, 2019

Bible Society of Kenya
ကြှနျုပျတို့နောကျလိုကျပါ:



ကြော်ငြာတွေ