Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

Jona 4 - ÎVUKU RÎA ÛVORO MWARO


Marakara ma Jona na ntha cia Ngai

1 Jona ndaakenua nî ûndû ûcio na nîwarakarire mûno.

2 Kwoguo nîwavoire atîrî, “Ngai-Mûnene, na kinthî mama tîmo maûndû wa marîa naaugire rîrîa naarî mûciî? Kîu nîkîo gîatûmire mbûrîre Tarishishi, nîûndû nînaicî atî we ûrî Ngai ûrî wendo na ntha, ndûrakaraga na îvenya, ûrî wendo ûtathiraga na nîwîricûkagwa ûkarega kûverithania.

3 Kwoguo rîu, we Ngai-Mûnene, nakûthaitha ûmbûrage. Nîkava ngue gûkîra ndûûre mwoyo.”

4 Nake Ngai-Mûnene nîwacokerie Jona atîrî, “Ûreciria nîûreka waro nîûndû wa kûrakara?”

5 Jona nîwaumire nja ya îtûûra na agîkara nthî mwena wa îrathîro wa îtûûra rîu. Nîwatumire kanyomba gake vau na agîkara nthî kîrururî gîa ko, na agîeterera one ûrîa kûu îtûûrarî rîa Nineve gûgwîkara.

6 Nake Ngai-Mûnene Ngai, nîwatûmire kamûtî kamere na gakûre kamûkunîkîre na kîruru gîa ko, nîguo kamûthirathirîrie mathîna marîa aarî namo. Jona nîwakenire mûno nî kamûtî kau.

7 Nwatî mûthenya ûcio wîngî gûgîkîa, Ngai nîwathire kîgunyû gîcûkangie kamûtî kau, na nîkaaûmire.

8 Riûa rîarîkia kûratha, Ngai nîwatûmire rûkûngi rûviû kuuma mwena wa îrathîro, na Jona nîwavîvirue kîongo mûno nî ûrugarî wa riûa nginya akîenda kûgirîka. Kwoguo nîwerirîrie gûkua na nîwaugire atîrî, “Nîkava ngue gûkîra ndûûre mwoyo.”

9 Nwatî Ngai nîwerire Jona atîrî, “Kûrî na vata wa kûrakarîra kamûtî kau?” Nake Jona nîwacokirie atîrî, “Nîrî na kîvooto gîa kûrakara, kûrakara nginya ngerirîria gûkua!”

10 Ngai-Mûnene nîwerire Jona atîrî, “Kamûtî gaka kaamerire na gagîkûra na ûtukû ûmwe, na gagîcoka gakînaûma mûthenya ûcio wîngî. Gûtirî ûndû wagekire na ndwatûma gakûre nwatî nîûrakeguîra ntha!

11 Nie mbagîrîrwe nî kwîguîra Nineve ntha ciîgana atîa, îtûûra rîu rînene? Makîria ya ûguo, îtûûrarî rîu kûrî na andû makîria ya ngiri îgana rîa mîrongo îîrî (120,000) matarî na mavîtia, na kûrî na nyamû nyîngî cia mîciî!”

©Bible Society of Kenya, 2019

Bible Society of Kenya
ကြှနျုပျတို့နောကျလိုကျပါ:



ကြော်ငြာတွေ