Habakuku 2 - ÎVUKU RÎA ÛVORO MWARO

Macokio ma Ngai-Mûnene kûrî Habakuku

¹ Nie nîngûrûngama vandû ndorererie, na mbîkare îgûrû rîa nyomba ndaca na îgûrû, mbeterere mbîgue ûrîa Ngai-Mûnene akûmbîîra, na ûrîa agaacokia ûvoro wîgiî mateta makwa.

² Nwatî Ngai-Mûnene nîwanjokerie atîrî, “Andîka kîoneki gîkî; Kîamndîke waro kîvengererî, nîguo kîthomeke waro.

³ Kîoneki gîkî gîetererete vîndî îrîa mbagîrîru yakîo; nî kîoneki Kîam ma kîonanagia maûndû ma mûthiia. Ethîrwa nîmaronekana magîcererwa, meterere; nama nîmagûkinya na tîmacererwa.

⁴ Ino nîyo ndûmîrîri: ‘Taroria arîa marî mwîtîîo nîmagacûkangua, nao arîa athingu nîmagatûûra nîûndû wa gwîtîkia Ngai.’ ”

Andû arîa matarî athingu nîmakaanyamara.

⁵ Ûtonga nîûtûmaga mûndû aveenanie; andû arîa etîi mativurûkaga, mekariî ta gîkuû kîo kîene, matiîganagîra. Kîu nîkîo gîtûmaga eyûnganîria ndûrîrî cionthe, na agacokanîrîria andû onthe matuîke ake.

⁶ Andû acio onthe nîmamûkîrîra na mamûvoote, na mamûthekerere na kînyûrûri, makiugaga atîrî, “Mûndû ûrîa wîyûmbagîrîra indo itarî ciake, na akeigîra mûrigo wa mathiirî, kaî arî na thîna-î! Nîatûûra ekaga ûguo nginya rî?”

⁷ Mûthenya ûmwe andû arîa ûrî thirî wao nîmagagûkîrîra wa rîmwe, na arîa makuinainagia nîmagaûkîra. Vîndî îo nîrîo ûgaatuîka ngombo yao.

⁸ We nîwîîte andû na mavûrûri meengî, nwatî arîa onthe matigarîte nîmagaakwîa, nîûndû wa ûragani na maûndû macûku marîa wîkîte gûkû nthî, matûûrarî na andû arîa matûûraga kuo.

⁹ We wîtongetie na indo irîa wocete na vinya, kaî wî na thîna-î, na nîûgeretie kwiga mûciî waku ûrî na thayû na ûtarî na thîna wanarî vanini.

¹⁰ Nwatî we nîwîreterete kînyûrûri mûciî gwaku, na njîra ya gûcûkanaia mavûrûri meengî, nîûcûkangîtie ûtûûro waku we mwene.

¹¹ Nîûndû nginya mathiga nîmanagîrîra marî rûthingorî, na mîgamba ya nyomba îgacokia mûgambo ûcio.

¹² Kaî ûrî na thîna-î! We ûtumîte îtûûra na ûûragani, na ûkarîtuma îgûrû rîa maûndû macûku.

¹³ Anga tî kuuma kûrî Ngai-Mûnene mwene vinya wonthe, wîra wao mwîngî ûragîra mwakirî, na mavûrûri menogagia mana.

¹⁴ Nîûndû nthî yonthe nîgecûra ûmenyo wa riiri wa Ngai-Mûnene, wata ûrîa manjî mecûraga îriarî.

¹⁵ Kaî wî na thîna-î! We ûtûmaga andû arîa mûriganîtie nao manyuîre gîkombe Kîam marakara maku, na ûgatûma marîwe nîguo ûvote kwona njaga yao.

¹⁶ Ûgecûrwa nî guoya vandû va gîtîîo. We mwene nîûkaanyua na ûtûgûgane! Ngai-Mûnene ke mwene nîagaatûma ûrîwe, na nthoni nîigaakunîka gîtîîo gîaku.

¹⁷ Maûndû macûku marîa wîkîte Lebanoni nîmagagûcokerera. Nîwaûragire nyamû ciakuo; nacio nîikaamwîgwithia guoya. Maûndû mama nîmagagûkinyîra, nîûndû wa ûûragani na maûndû macûku marîa wîkîte gûkû nthî, îni, maûndû marîa wîkîte matûûra, na arîa matûûraga kuo.

¹⁸ Mûvuanano ûrî umithio ûrîkû? Kinthî kîu tî kîndû mûndû arûthîte, nî kîndû gîa gûtambia maveeni tu. Mûturi etîkîtie kîndû kîu erûthîrîte ke mwene, mûvuanano ûtangîvota kwaria.

¹⁹ Kaî ûrî na thîna-î! We wîraga mûtî gîting'û atîrî: “Ûkîra!” Kana îthiga rîtaragia, “Rûngama.” Mûvuanano nwa ûkûthomithie ûndû? Mûvuanano nwa wîthîrwe ûkunîkîtwe na thaavu na sîlûva, nwatî ndûrî na mwoyo wanarî vanini.

²⁰ Nwatî Ngai-Mûnene arî hekarûrî yake ntheru; nthî yonthe nî îkare îkirîte îrî mbere yake.