Ezira 2 - ÎVUKU RÎA ÛVORO MWARO

Mûtaratara wa andû arîa maacokire kuuma îthamîriorî

¹ Andû eengî arîa maarî îthamîriorî vûrûrirî wa Babuloni nîmaaumire kuo na magîcoka Jerusalemu na Juda, wa andû matûûrarî mao. Andû acio maatavîtwe nî Nebukadinezarû mûthamaki wa Babuloni.

² Atongoria ao maarî Zerubabeli, Jeshua, Nehemia, Seraia, Reelaia, Moridekai Bilishani, Misipari, Bigivai, Rehumu na Baana. Nao andû a mîvîrîga ya Isiraeli arîa maacokire kuuma îthamîriorî maarî:

³ Mbarî ya Peroshi andû ngiri igîrî na îgana rîmwe rîa mîrongo mûgwanja na igîrî (2,172),

⁴ mbarî ya Shefatia magana mathatû ma mîrongo mûgwanja na aîrî (372),

⁵ mbarî ya Ara andû magana mûgwanja ma mîrongo mûgwanja na atano (775),

⁶ mbarî ya Pahathi Moabu (aya nî njiarwa cia Jeshua na Joabu) andû ngiri igîrî magana manana ma îkûmi na aîrî (2,812),

⁷ mbarî ya Elamu ngiri îmwe magana maîrî ma mîrongo îtano na ana (1,254),

⁸ mbarî ya Zatu magana kenda ma mîrongo îna na atano (945),

⁹ mbarî ya Zakai magana mûgwanja ma mîrongo îtandatû (760),

¹⁰ mbarî ya Bani andû magana matandatû ma mîrongo îna na aîrî (642),

¹¹ mbarî ya Bebai andû magana matandatû ma mîrongo îîrî na athatû (623),

¹² mbarî ya Azigadi andû ngiri îmwe na magana maîrî na igîrî (1,222),

¹³ mbarî ya Adonikamu andû magana matandatû ma mîrongo îtandatû na ithathatû (666),

¹⁴ mbarî ya Bigivai andû ngiri igîrî na mîrongo îtandatû na îtandatû (2,056),

¹⁵ mbarî ya Adini andû magana mana ma mîrongo îtano na ana (454),

¹⁶ mbarî ya Ateri (na etagwa rîngî Hezekia) andû mîrongo kenda na anana (98),

¹⁷ mbarî ya Bezai andû magana mathatû ma mîrongo îîrî na athatû (323),

¹⁸ mbarî ya Jora andû îgana rîmwe na îkûmi na aîrî (112),

¹⁹ mbarî ya Hashumu andû magana maîrî ma mîrongo îîrî na athatû (223),

²⁰ mbarî ya Gibari andû mîrongo kenda na atano (95).

²¹ Andû a îtûûra rîa Bethilehemu maarî: Ígana rîmwe rîa mîrongo îîrî na ithatû (123),

²² îtûûra rîa Netofa andû mîrongo îtano na atandatû (56),

²³ îtûûra rîa Anathothi andû îgan rîmwe rîa mîrongo îîrî na anana (128),

²⁴ îtûûra rîa Azimavethi andû mîrongo îna na aîrî (42),

²⁵ matûûra ma Kiriathi-jearimu, Chifira, na Be-erothi andû magana mûgwanja ma mîrongo îna na athatû (743),

²⁶ îtûûra rîa Rama na Geba andû magana matandatûma mîrongo îîrî na ûmwe (621),

²⁷ îtûûra rîa Mikimashi andû îgana rîmwe ria mîrôngo îîrî na aîrî (122),

²⁸ Matûûra ma Betheli na Ai andû magana maîrî ma mîrongo îîrî na athatû (223),

²⁹ îtûûra rîa Nebo andû mîrongo îtandatû na aîrî (62),

³⁰ îtûûra rîa Magibishi andû îgana rîmwe rîa mîrongo îtano na atandatû (156)

³¹ îtûûra rîa Elamu andû ngiri îmwe na magana maîrî ma mîrongo îtano na ana (1,254),

³² îtûûra rîa Harimu andû magana mathatû ma mîrongo îîrî (320),

³³ îtûûra rîa Lodi, Hadidi, na Ono andû magana mûgwanja ma mîrongo îîrî na atano (725),

³⁴ îtûûra rîa Jeriko andû magan mathatû ma mîrongo îna na atano (345),

³⁵ îtûûra rîa Senoa andû ngiri ithatû na magana matandatû ma mîrongo îthatû (3,630).

³⁶ Ûyû nîguo mûtaratara wa andû a mîvîrîga ya athînjîri-Ngai arîa maacokire kuuma îthamîriorî: Jedaia (njiarwa cia Jeshua) maarî andû magana kenda ma mîrongo mûgwanja na athatû (973),

³⁷ Andû a mbarî ya Imeri maarî ngiri îmwe na mîrongo îtano na igîrî (1,052),

³⁸ Andû a mbarî ya Pashihuri maarî ngiri îmwe magana maîrî ma mîrongo îna na mûgwanja (1,247),

³⁹ Andû a mbarî ya Harimu maarî ngiri îmwe na îkûmi na mûgwanja (1,017).

⁴⁰ Mîvîrîga ya Alawi arîa maacokire kuuma îthamîriorî nao maarî mbarî ya Jeshua na Kadimieli (njiarwa cia Hodavia) na maarî andû mîrongo mûgwanja na ana (74)

⁴¹ Aini a nyîmbo hekarûrî (njiarwa cia Asafu) maarî andû îgana rîmwe rîa mîrongo îîrî na anana (128),

⁴² Arangîri a hekarû (njiarwa cia Sahalumu, Ateri, Talimoni, Akubu, Hatita, na Shobai) maarî andû îgana rîmwe rîa mîrongo îthatû na kenda (139).

⁴³ Andû a mîvîrîga ya andû arîa maarutaga wîra hekarûrî maarî: mbarî ya Ziha, Hasufa, Tabaothi, K

⁴⁴ mbarî ya Kerosi, Siaha na ya Padoni,

⁴⁵ mbarî ya Lebana, Hagaba na ya Akubu,

⁴⁶ mbarî ya Hagabu, Shamulai na ya Hanani,

⁴⁷ mbarî ya Gideli, Gahari na ya Reaia;

⁴⁸ mbarî ya Rezini, Nekoda na ya Gazamu,

⁴⁹ mbarî ya Uza, Pasea na ya Besai,

⁵⁰ mbarî ya Asina, Meunimu na ya Nefisimu,

⁵¹ mbarî ya Bakibuki, Hakufa na ya Harihuri,

⁵² mbarî ya Bazilithu, Mehida, Harisha

⁵³ mbarî ya Barikosi, Sisera, Tema,

⁵⁴ mbarî ya Nezia, na Hatifa.

⁵⁵ Mîvîrîga ya ndungata cia Solomoni arîa maacokire maarî:

⁵⁶ mbarî ya Sotai, Hasoferethi, Peruda, Jaala, Darikoni, Gideli,

⁵⁷ Shefatia, Hatili, Pokerethi, Hazebaimu, na Ami.

⁵⁸ Njiarwa cionthe cia andû arîa maarutaga wîra hekarûrî na cia ndungata cia Solomoni arîa maacokire kuuma îthamîriorî maarî andû magana mathatû ma mîrongo kenda na aîrî (392).

⁵⁹ Andû maaumîte matûûrarî ma Teli-mela, Teli-harisha, Kerubi, Adani, na Imeri, wanao nîmaaumire îthamîriorî, nwatî andû acio matiavota kwonania atî o maarî njiarwa cia andû a Isiraeli.

⁶⁰ Kwarî na andû a kuuma mbarî ya Delaia, Tobia, na Nekoda na onthe maarî magana matandatû ma mîrongo îtano na aîrî (652).

⁶¹ Nao athînjîri-Ngai arîa maarî njiarwa cia Habaia, Hakozi na Barizilai (ûrîa wavikirie mwarî wa Barizilai kuuma Gileadi na agîtuîka etanague na mûthoniwe) nîmaarutirwe gîkundirî Kîam athînjîri-Ngai.

⁶² Andû acio nîmacaririe marîîtwa mao mûtaratararî wa methe mao na mationekana. Kwoguo nîmoonirwe matarî atheru na nîmaarutirwe gîkundirî Kîam athînjîri-Ngai.

⁶³ Mûnene wa Ayahudi nîwamerire matikarîe irio irîa ciategagwa irî cia Ngai nginya rîrîa gûkaagîa Mûthînjîri-Ngai ûrîa ûngîtungata agîtûmagîra Urimu na Thumimu.

⁶⁴ Andû arîa onthe maacokire kuuma îthamîriorî maarî ngiri mîrongo îna na igîrî na magana mathatû ma mîrongo îtandatû na mûgwanja (42,360).

⁶⁵ Tûtagûtara ndungata cia arûme na cia aka, arîa maarî ngiri mûgwanja magana mathatû ma mîrongo îthatû na mûgwanja (7,337) kwarî na aini a nyîmbo a arûme na aka maarî 200.

⁶⁶ Mbarathi nacio ciarî magana mûgwanja ma mîrongo îthatû na atandatû (736) na nyûmbû ciarî magana maîrî ma mîrongo ina na ithano (245)

⁶⁷ ngamîîra ciarî magana mana ma mîrongo îthatû ma ithano (435) na mvunda ngiri ithathatû na maana mûgwanja ma mîrongo îîrî (6,720).

⁶⁸ Rîrîa Ayahudi arîa maarî îthamîriorî maakinyire Jerusalemu hekarûrî ya Ngai-Mûnene, atongoria amwe nîmaarutire matega mao na njîra ya kwîyendera nîguo matethererie gûtuma hekarû varîa îrîa ngûrû yarî.

⁶⁹ Nîmaarutire kûringana na ûrîa wa mûndû aavotire kûruta nîûndû wa wîra ûcio. Nacio indo icio cionthe igîkinya thaavu kilo 500, sîlûva kilo 2,800, na nguo cia athînjîri-Ngai 100.

⁷⁰ Athînjîri-Ngai, a Lawi, na andû amwe nîmaacokire magîtûûra Jerusalemu na icagirî irîa ciarî vakuvî na Jerusalemu. Nao aini a nyîmbo arangîri a hekarû na ndungata cia hekarû nîmaatûûrire matûûrarî marîa maarî vakuvî na Jerusalemu. Na Aisiraeli acio engî nîmaathiîre na magîtûûra matûûrarî marîa methe mao ma tene maaumîte.