Ezek 37 - ÎVUKU RÎA ÛVORO MWARO

Kîanda kîa mavîndî maûmû

¹ Nînecûrirwe nî vinya wa Ngai-Mûnene na Roho wake nîwanguire na ûkîmbira vandû Kîamndarî gatagatî. Kîanda kîu gîecûrîte mavîndî.

² Ngai-Mûnene nîwanthiûrûrûkirie Kîamndarî kîu kîonthe na Kîamrî na mavîndî meengî mûno na maarî maûmû mûno.

³ Nake nîwambûririe atîrî, “We mûndû, mavîndî mama nwa macoke gûtûûra mwoyo?” Nanie nînaamûcokerie atîrî, “Mwathani Ngai-Mûnene, we nwawe wicî!”

⁴ Nake nîwambîrire rîngî atîrî, “Rathîra mavîndî mama na ûmere, mue mavîndî maûmû, thikîrîriani ûrîa Ngai-Mûnene akuga.

⁵ Meere nie Mwathani Ngai-Mûnene nîrera mavîndî mama atî, nîngûmwîkîra mîvevû yakwa na nîmûgaatûûra mwoyo.

⁶ Nîngaamwîkîra mîkiva na ndûme mûgîe na nyama, na nîmûkunîkîre na rûûo. Nîngaaamwîkîra mîvevû ndarî yenyu na nîmûkaagîa mwoyo. Na nîmûgaacoka kûmenya atî, nie nînie Ngai-Mûnene.”

⁷ Kwoguo nînaarathire wata ûrîa naathirwe mbîke. Na wangîrathaga wa rîmwe nînegwire mûgambo. Mûgambo ûcio wagambaga ta wa indo ikîringana, na mavîndî nîmaambîrîrie gûcokanîrîra vamwe makînyitanaga.

⁸ Wa ndoreretie, mavîndî mau nîmaagîre mîkiva na nyama na magîkunîkîrwa nî rûûo, nwatî mîîrî îo ndîarî mwoyo.

⁹ Ngai nîwacokire akîmbîra atîrî, “We mûndû, rathîra rûvuvo kuuma mîena îrîa îna na ûrwîre Mwathani Ngai-Mûnene augîte rûvurutane nîguo rûtonye kûrî mîîrî îno yaûragirwe nîguo îgîe mwoyo.”

¹⁰ Kwoguo nînaarathire wata ûrîa aambathire. Mîvevû nîyaûkire kûrî mîîrî îo na îkîgîa na mwoyo na makîrûngama na magûrû andû gîkundi kînene mûno.

¹¹ Nake Ngai nîwambîrire atîrî, “We mûndû, mavîndî mau nî andû onthe a Isiraeli. Maugaga atî nîaûmagaru, matirî na kîîrîgîrîro na nîathiru viû.

¹² Kwoguo marathîre ûmere, nie Mwathani Ngai-Mûnene mbugîte atî mue andû akwa nîngaavingûra mbîrîra cienyu na nîmûriûkie kuuma mbîrîrarî cienyu na nîmûcokie vûrûrirî wa Isiraeli.

¹³ Rîrîa ngaavingûra mbîrîra cienyu na nîmûrute kuo, mue andû akwa nîmûkaamenya atî, nie nînie Ngai-Mûnene.

¹⁴ Nîngaamwîkîra mîvevû yakwa ndarî yenyu na nîmûgaacoka gûtûûra mwoyo, na nîngaacoka nîmwige vûrûrirî wenyu. Namue nîmûkaamenya atî nie, Ngai-Mûnene nînie mbugîte ûguo na nîngeka guo.”

Juda na Isiraeli nîciatuîkire ûthamaki ûmwe

¹⁵ Ngai-Mûnene nîwambîrire rîngî atîrî,

¹⁶ “We mûndû, oca karûthanju kamwe na ûkandîke, ‘Gaka nîka Juda na andû a Isiraeli arîa makonenie nake.’ Coka woce kengî na ûkandîke, ‘Gaka nîka Josefu (karûthanju ka Efiraimu) na andû a Isiraeli onthe arîa makonenie nake.’

¹⁷ Ûcoke ûnyitithanie tûrûthanju tûu vamwe nîguo twonekane ta arî karûthanju kamwe.

¹⁸ Rîrîa andû enyu magaakwîra ûmere gîtûmi Kîam ûndû ûyû,

¹⁹ we ûkaamera atî Ngai-Mûnene augîte, nîngoca karûthanju ka Josefu karîa karî njararî ya Efiraimu na mîvîrîga ya Isiraeli îrîa makonanîtie nayo. Nîngaacoka nyitithanie karûthanju kau na ka Juda nîguo gatuîke karûthanju kamwe karî njararî yakwa.

²⁰ “Ûkaanyita tûrûthanju tûu tuoîrî na njara yaku na ûkaarûngama mbere yao nîguo mone.

²¹ Nîûgaacoka ûmere Mwathani Ngai-Mûnene augîte atî: Nîngaaruta andû a Isiraeli maume mavûrûrirî kûrîa maathiîre, nîmaûnganie vamwe kuuma mîena yonthe na nîmacokie vûrûrirî wao.

²² Nîngaamatua rûrîrî rûmwe rûrî vûrûrirî wa Isiraeli ûrîa ûrî irîma. Onthe magaatuîka a mûthamaki ûmwe na matigaacoka gûtuîka ndûrîrî igîrî, na matikagaûkana matuîka mothamaki maîrî.

²³ Matigaacoka kwîgwatia mûgiro na ngai icio ciao cia mîvuanano rîngî na maûndû marîa nie nthûrîte, kana na mavîtia mao. Nwatî nîngaamavonokia kuuma kûrî maûndû monthe marîa matûmaga mevie na maregane nanie na nîmatherie. Magaatuîka andû akwa, nanie nduîke Ngai wao.

²⁴ Ndungata yakwa Daudi nîgaatuîka mûthamaki wao, na methagîrwe marî a mûrîthi ûmwe. Nîmakaarûmagîrîra matuîro makwa ma ciira na mavingagie mawatho makwa.

²⁵ Nîmagaatûûra vûrûrirî ûrîa naveere ndungata yakwa Jakovu. Vûrûri ûcio nî ûrîa methe mao maatûûraga. Nao o ene, ciana ciao na ciana cia ciana ciao nîmagaatûûra kuo tene na tene. Nake Daudi ndungata yakwa nîagaatuîka mûnene wao tene na tene.

²⁶ Nîngaathondeka kîrîkanîro Kîam thayû nao na gîkethîrwa kîrî gîa gûtûûra tene na tene. Nîngaamarathima na ndûme mongerereke, na nîngaatuma hekarû yakwa vûrûrirî wao îtûûrage kuo tene na tene.

²⁷ Nîngaatûûranagia nao na nduîke Ngai wao, nao matuîke andû akwa.

²⁸ Nacio ndûrîrî nîikaamenya atî, nie Ngai-Mûnene nînyamûrîte andû a Isiraeli matuîke andû akwa na atî hekarû yakwa îkethagîrwa îrî gatagatîrî kao tene na tene.”