Ciîko 12 - ÎVUKU RÎA ÛVORO MWARO

Kûnyariirwa makîria

¹ Vîndî wa îo Mûthamaki Herode nîwambîrîrie kûnyariira andû amwe arîa maarî a kanitha.

² Nake nîwathanire akiuga Jakuvu, mûrwang'ina na Johana aûragwe na rûviû.

³ Na rîrîa Herode oonire atî ûndû ûcio nîwakenirie Ayahudi, nîwanyitithirie Petero wana ke. (Ûndû ûyû wekîkire vîndî ya Kîrugo Kîam Mîgate îrîa îtarî mîkîre ndawa ya kwimbia.)

⁴ Nake Herode arîkia kûnyitithia Petero, nîwamûvingîrithirie njeera na akîmûnenganîra arangîrwe nî ikundi inya cia athigari ana ana. Herode aavangîte nîakûmûciirithia arî mbere ya andû vuva wa Kîrugo Kîam pasaka.

⁵ Kwoguo Petero nîwaigirwe njeera, nwatî andû arîa maarî a kanitha nîmaamûvoere Ngai marî na kîîo.

Petero nîwarekererue kuuma njeera

⁶ Naguo ûtukû mbere ya Herode avira Petero kûrî andû, Petero aarî njeera amamîte karîgatî ka athigari aîrî, na ovetwe na mînyororo îrî. Nao athigari acio engî maarangîrîte mwîrîga wa njeera.

⁷ Nake mûraika wa Mwathani nîwaumîre wa rîmwe na ûtheri ûgîkenga kûu njeera. Mûraika ûcio nîwainainirie Petero amûgwete Kîamnde, akîmûramûkia na akîmwîra atîrî, “Ramûka narua!” Nayo mînyororo îrîa ovetwe njara nayo nîyagwîre nthî wa rîmwe.

⁸ Mûraika ûcio nîwacokire akîmwîra atîrî, “Îîyove mûcivi na wîkîre iratû ciaku.” Na rîrîa Petero aarîkirie gwîka ûguo, mûraika nîwacokire akîmwîra atîrî, “Îkîra kanjû yaku na ûnûmîrîre.”

⁹ Kwoguo Petero nîwamûrûmîrîre na makiuma nja ya njeera, nwatî ke ndaamenyaga kana maûndû mau mûraika eekaga maarî ma ma. Petero eeciragia nî kîoneki arona.

¹⁰ Nao nîmaavîtûkire gîkundi Kîam mbere Kîam arangîri wana gîa kaîrî na mûthiiarî magîkinya mwîrîgarî wa cuuma wa gûtonya îtûûrarî. Naguo mwîrîga ûcio nîwevingûrire guo mwene na makîvîtûkîrîra vo makiuma. Na rîrîa maathiîrîrîte njîrarî îmwe, mûraika nîwatigire Petero wa rîmwe.

¹¹ Nake Petero nîwamenyire ûrîa gwekîkîte kûrî ke, na akiuga atîrî, “Rîu nînamenya atî Mwathani na ma nîatûmîte mûraika wake aûke andethûre kuuma kûrî Herode na kuuma kûrî maûndû monthe marîa Ayahudi mareciragia nîmagwîka.”

¹² Na rîrîa aamenyire ûguo, nîwathiîre mûciî kwa Mariamu ng'ina wa Johana ûrîa na rîîtwa rîngî wîtagwa Maariko. Nao andû eengî nîmaacemanîtie kuo makîvoyaga.

¹³ Nake Petero nîwaringaringire mûrango wa nja na mwîrîtu watungataga kuo wetagwa Roda akîthiî kûmûvingûrîra.

¹⁴ Na rîrîa mwîrîtu ûcio aamenyire kanyua ka Petero, nîwakenire mûno na ndaavingûra mûrango. Vandû va ûguo, nîwavinyûrire na kûu ndaarî na akîîra andû onthe atîrî, “Nî Petero ûrûngamîte mûrangorî!”

¹⁵ Nao nîmaamwîrire atîrî, “We wîna ngoma!” Nwatî mwîrîtu ûcio nîwakîrîrîrie kuga atî ke aaragia ûma. Kwoguo nîmaamwîrire atîrî, “Nwanginya ûcio ethîrwe nî mûraika wa Petero!”

¹⁶ Nake Petero nîwathiîre na mbere na kûringaringa. Rîrîa mavingûrire mûrango na makîmwona, nîmamakire mûno.

¹⁷ Petero nîwamaveenerie na njara yake akîmeera makire. Nake nîwamataarîrie ûrîa Mwathani aamûrutire njeera na akîmeera atîrî, “Îrani Jakuvu na etîkia arîa engî ûrîa kûrekîkire.” Nîwacokire akiuma kûu na akîthiî kûndû kwîngî.

¹⁸ Na kîraûko rîrîa gwakere, arangîri nîmaanegenanirie mûno makîrigwa nî ûrîa gwekîkîte kûrî Petero.

¹⁹ Nake Herode nîwarutire watho akiuga Petero acarue kûndû kuonthe, nwatî matiamwona. Kwoguo nîwatuîririe arangîri waro na akîruta watho akiuga maûragwe. Na vuva wa ûguo Herode nîwanyûrûrûkire akiuma Judea akîthiî Kaisarea agîkara kuo.

Gûkua kwa Herode

²⁰ Nake Herode nîwarakarirue mûno nî andû a Turo na Sidoni, na kwoguo nîmaathiîre kûmwona marî gîkundi. Nao nîmaambire makîgwithia Blasito ûrîa warûngamîrîrîte mûciî wa mûthamaki, atî nwa nginya amatethie. Nîmacokire makîthiî kûrî Herode na makîmwîra etîkîre mekaranie na thayû nîûndû vûrûri wao warutaga irio vûrûrirî ûcio wa mûthamaki.

²¹ Na mûthenya ûmwe wathuurîtwe, Herode nîwekîrire nguo ciake cia ûthamaki, agîkarîra gîtî gîake Kîam ûthamaki na akîarîria andû.

²² Nao andû nîmaaugîrîrie atîrî, “Ke araria ta ngai, ndararia ta mûndû.”

²³ Na nîûndû Herode ndaakumia Ngai, mûraika wa Mwathani nîwatûmire arware wa rîmwe. Herode nîwarîrwe nî igunyû na agîkua.

²⁴ Nayo ndûmîrîri ya Ngai nîyathiîre na mbere na gûtamba na îgîkinyîra andû eengî.

²⁵ Na rîrîa Baranaba na Saûlo maarîkirie wîra wao Jerusalemu, nîmaacokire Antiokia marî na Johana ûrîa na rîîtwa rîngî wetagwa Maariko.