Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

Ayubu 8 - ÎVUKU RÎA ÛVORO MWARO

1 Bilidadi wa kuuma Shuha nîwacokerie Ayubu atîrî,

2 Nîwaria maûndû mama nginya rî, na mîario yaku nîta rûkûngi rûkîvîtûka?

3 Anga Ngai nîareganaga na kîvooto? Kana wîciragia Ngai Mwene Vinya wonthe nîareganaga na ûûma?

4 Ethîrwa ciana ciaku nînjîvîriu Ngai, ke amaverithîtie kûringana na mavîtia mao.

5 Ethîrwa nîûgûcaria Ngai, na ûthaithe Ngai mwene vinya wonthe,

6 ethîrwa ûrî mûtheru ngoro na wî mûthingu, nama Ngai nîagaaûka na agûtethie, na akûve gwa gûtûûra kûrîa gûkwagîrîrîte.

7 Wana ethîrwa wambîrîrie ûtûûro ûtarî na kîndû, vuvarî ûkethîrwa ûrî na indo nyîngî.

8 Nîramûthaitha mwîrute maûndû kuumana na arîa maarî kuo tene, na mûmenye maûndû marîa methe metû moonete.

9 Tue tûtûûrîte kavinda kanini, na gûtirî ûndû twicî; mîthenya yetû gûkû nthî nîta kîruru.

10 Nama methe menyu nîmakaamûthomithia, mamwîre maûndû kumana na ûtaûku wao.

11 “Îrura nwa rîkûre kûndû gûtarî ndomboya? Mûthanje nwa ûkûre kûndû gûtarî manjî?

12 Wana yethîrwa îtumûrîte kîrao na îtarî mîteme, manjî mavwa yûmaga îrî ya mbere.

13 Ûguo nîguo njîra cia arîa mariganîrîtwe nî Ngai ciîkariî; kîîrîgîrîro Kîam mûndû ûtetîkîtie Ngai nîgîkaathira.

14 Mwîvoko wao nî ûvaraganaga, Mwîrîgîrîro wao nîta rûûî rwa mbûmbûî.

15 Metiranagia na nyomba ciao, nwatî ndîrûngamagia, menyitagîrîra kûrî yo nwatî ndîtûûraga.”

16 Andû arîa aganu mekariî ta ria rîrîa rîkûraga riûarî, mekariî ta ria rîrîa rîtambaga mûgûndarî.

17 Mîri yake îîrigicanagîria mathigarî, îkenyitîrîra na vinya mathigarî.

18 Nwatî angîcûkangua arî kûrîa atûûraga, kûu nwa kûmûkaane gûkiugaga atîrî, “Nie ndianakwona.”

19 Taroria, ûcio nîguo mûthiia wa gîkeno Kîam mûndû ûcio; na vau andû engî nîmagaaûka na mekare vo.

20 Taroria, Ngai ndakaarega mûndû ûtarî na ûcuke, na ndagaatethia arîa mekaga naaî.

21 Nîagaatûma wîcûrwe nî mîtheko, na kanyua gaku kaugîrîrie nî gûkena.

22 Arîa makûmenete nîmagaconoka mûno, na mîciî ya arîa aganu nîîkathira.

©Bible Society of Kenya, 2019

Bible Society of Kenya
ကြှနျုပျတို့နောကျလိုကျပါ:



ကြော်ငြာတွေ