Kitaaba Faaruu Ermiyaasii 5 - Kitaaba Woyyuu

Kadhaa Araaraa

¹ Yaa Rabbi! waan nu irra gaye yaadadhu; salphinna keenna laali; argi!

² Lafti teenna worra gala'aaf; manniin keenna worra nyaaphaatiif dabarfamanii kennaman.

³ Worra maatii hin qabnee fi worra abbaa hin qabne taane; haawwonni teenna ta akka abbaa worraa hin qabnee ta'aniiran.

⁴ Bisaan dhunnuuf gatii kaffalla; qoraan bobeeffannullee hin bitanna.

⁵ Worri nu ari'an koomee keenna jala jiran; rakkanneerra; hara baafannaa dhabneerra;

⁶ Buddeena quufu'uuf Misirii fi Asooritti harka kennanne.

⁷ Abboonni teenna cubbuu hojjatanii lufan; nu'u adabbii isaanii baadhanne.

⁸ Garboonni nu bulchan; ka isaan harkaa bilisa nu baasu eennullee hin jiru.

⁹ Sababaa guraadee lafa gammoojji'ii jiruutiif lubbuu teennaan wodhaansa baanee; buddeena arganne.

¹⁰ Gogaan keenna akka sunsumaatitti gurraachate; beelaanillee gubateera.

¹¹ Intallan Tsiyooniin keessatti; durbii teenna qachoota Yihuuda'aa keessatti salphatan.

¹² Abboonni murti'ii isaan harkatti fannifaman; jaarsonnillee hin kabajjamne.

¹³ Dargaggeeyyii hunnaan daakuu daassifatan; ijoolleen dhiiraa qoraan baatanii gatantaran.

¹⁴ Jaarsonni balbala qachatti'iitii deemaniiran; dargaggeeyyiin faaruu ufii dhiisaniiran.

¹⁵ Gammachuun garaa keessaa nu bade; sirbi keenna booyatti jijjiirame.

¹⁶ Ulfinni nu irraa bu'eera; nu hobbaas; waan cubbuu hojjanneerruuf!

¹⁷ Sababaa kanaaf garaan keenna dadhabe; sababaa kanniiniitiif ijji teenna laaluu dadhabde.

¹⁸ Gaarran Tsiyoonii ta qullaa hafte; ta jeedallan irratti taphattu taate.

¹⁹ Waandhana; yaa Rabbi! ati baraa haga bara baraa bulchita; teessoon kee dhalootaa gara dhalootaa lufee jiraata.

²⁰ Maaf sirima nu irraanfatta? maaf hennaa dheera'aaf nu dhiifta?

²¹ Yaa Rabbi! gara kee nu deebis! nullee hin deebinaa; bara keenna akka bara durii nuu haarawoomsi;

²² Yoo sirima ka nu hin gannee; yoo hagaa olitti ka nuun hin lollee.