Kitaaba Iyyaasu'uu 19 - Kitaaba Woyyuu

Lafa Gosa Simooniitii Kennan

¹ Hixaan lammeesso'oo akkuma gosa isaaniitiin ijoollee Simooniitii baye; lafti isaaniillee lafa ijoollee Yihuuda'aa jidduu ture;

² lafti isaanii Beersaabeeh, Seebaa, Molaadaa, Hasarshu'aal, Baalaa,

^3-4 Eeseem, Eeltolaad, Batuul, Heermaa,

⁵ Sigilaag, Beetmarkaaboot, Hasarsuusaa,

⁶ Beetalabaa'oot, Shaaruheen qachoota kudha sadihii fi gandoota fa'a.

⁷ Ayin, Rimoon, Eteer, Ashaan, qachoota arfanii,

⁸ haga Ba'ilaatibi'eerii fi haga raamaatiin cinaa bita'aatii haga qachoota naanno'oo maraa; lafti ijoollee Simoonii akkaataa gosa isaaniitiin kana ture.

⁹ Lafa qooda ijoollee Yihuuda'aa keessaa lafti gariin ijoollee Simooniitii ta'e; waan hixaan ijoollee Yihuuda'aa isaanitti guddateef ijoolleen Simoonii lafa isaanii irraa argatan.

Lafa Gosa Zabilooniitii Kennan

¹⁰ Hixaan sadeesso'oo akkuma gosa isaaniitiin ijoollee Zaabilooniitii baye; daangaan lafa isaanii haga Saaridiiti;

¹¹ Daangaan isaanii gara dhiyaatiin haga Mara'alla'aa haga Dabaasheetii afo'oon gara laga Yooqini'aamii afoo jiruu gaya.

¹² Sardiimii gara baya biiftu'uu, gara baya biiftu'uutiillee gara daangaa Kisilootitaaboritti naannayee,

¹³ gara Dabiraafiimii bayee Yaafaamiin bira gaya; daangaan sun achii ka'ee gara mirgaatiin gara Gatiheefirii fi Itaqaasiinii lufee gara Riminaanii gara Ni'a'aa baya;

¹⁴ Daangaan sun gara mirgaatiin Hanaatoniin naannayee dhooqa Yiftaa'eliititti baya.

¹⁵ Kunniinillee Qaxaati, Nahilaal, Shimiroon, Yidaala'aa fi Beeteliheem qachoota kudha lamaa fi gandoota.

¹⁶ Lafti ijoollee Zaabiloonii akkuma gosa isaaniitiin qachootaa fi gandoota kanniin.

Lafa Gosa Yisaakooriitii Kennan

¹⁷ Hixaan arfeesso'oo ijoollee Yisaakooriitii akkuma gosa isaaniitiin isaanii baye.

¹⁸ Daangaan isaanii gara Iyiziraa'el, Kaasiloot, Sunaam,

¹⁹ Hafraayim, Shi'oon, Anharaat,

²⁰ Rabiiti, Qisoon, Abees,

²¹ Reemeet, Ayingaaniim, Ayinahaada'aa fi Beetipaaseesiin gaya.

²² Daangaan isaanii gara Taaboorii, Shaayisuma'aa fi Beetisaamiisiin gaya. Karaan daangaa isaanii Yoordaanositti baya; lafti isaanii gandoota woliin qachoota kudha jahaa qachoota didiqqaa naannoo isaanii jiran maraa wolitti qabata.

²³ Lafti ijoollee Yisaakoorii akkuma gosa isaaniitiin qachootaa fi gandoota kanniin.

Lafa Gosa Aseeriitii Kennan

²⁴ Hixaan shaneesso'oo ijoollee Aseeriitii akkuma gosa isaaniitiin isaanii baye;

²⁵ daangaan isaanii Heelqaat, Haali'ii, Beexeen, Aziif,

²⁶ Alameleek, Ama'aadii fi Misha'aaliin ture; gara dhiyaatiin haga Qarmeloosii fi Shihoorlibinaatii gaye.

²⁷ Gara baya biiftu'uutiin gara Beetidaagonii naannaya; Zaabiloonillee dhooqa Yiftaahi'eelii, gara mirgaatiin Beeti'emeqinaa'a gara Ni'i'eeliimii gaya. Gara mirgaatiin Kaabulitti ol baye.

²⁸ Achii gara Eebroonii, Ra'aab, Amoon, Qaana'aa haga Siidonaa guddichaa gaye.

²⁹ Daangaan isaallee gara Raama'aa gara qachattii dallawamtee haga Xiroosii daangaan isi'ii achii ka'ee haga Hosa'aa naannaya; baati isaanii gara Akiziibiitiin haga galaana Meditiraaniyaaniiti.

³⁰ Akkasuma gara Uumaa, Efeeqiitii fi Ra'aabiiti; lafti isaanii qachoota diddamii lamaa fi gandoota;

³¹ Kanaafuu lafti ijoollee Aseerii akkuma gosa isaaniitiin qachootaa fi gandoota kanniin.

Lafa Gosa Niftaalemiitii Kennan

³² Hixaan jaheesso'oo ijoollee Niftaalemiitii akkuma gosa isaaniitiin isaanii baye.

³³ Daangaan isaanii Heleef, muka Isa'inaanimii, Adaamneeqeeb, Yabini'eelii haga Laqumii gaya; baati isaallee gara laga Yoordaanosiitiin.

³⁴ Daangaan isaa gara dhiyaatiin Aznootitaabooriin naannaya; achiillee ka'ee gara Huqooqii baya; gara bita'aatiin garuu gara Zaabiloonii, gara dhiyaatiin Aseer, gara Yoordaanosii baya biiftu'uutiin garuu haga lafa Yihuuda'aa gaya.

³⁵ Qachoonni dallawaman kanniin Sidiim, Seer, Hamaat, Raqaat, Kenereet,

³⁶ Adaamaa, Raamaa, Asoor,

^37-38 Qaadees, Edraayi, Ayinasoor, Yiri'oon, Migdaali'eel, Hooreem, Beetinaatii fi Beetisaamis. Lafti isaanii qachoota kudha sagalii fi gandoota.

³⁹ Kanaafuu lafti ijoollee Niftaalemii akkuma gosa isaaniitiin qachootaa fi gandoota kanniin.

Lafa Gosa Daaniitii Kennan

⁴⁰ Hixaan torbeesso'oo ijoollee Daaniitii akkuma gosa isaaniitiin isaanii baye;

⁴¹ Daangaan lafa isaanii kana; Soor'aa, Eshtaa'ol, Irshemeesh,

^42-43 Sha'ilaabiin, Eeloon, Yitilaa, Ayyaaloon, Taaminaa, Aqaaroon,

⁴⁴ Iltaqee, Gabaatoon, Baa'ilaat,

^45-46 Yihuud, Bineebraaq, Gaatrimoon, Meeyaariqoon, Raqoonii Daangaa Iyyoophee afoo jiruu,

⁴⁷ Garuu ijoollee Daanii lafti waan itti dhiphatteef ijoollee Leeshemiitiin lolanii lafa isaanii irraa fudhatanii irra jiraatan. Maqaa lafa sanii maqaa abbaa ufii Daaniin itti baasan.

⁴⁸ Kanaafuu lafti ijoollee Daanii akkuma gosa isaaniitiin qachootaa fi gandoota kanniin.

Lafa Dhumaa Ka Iyyaasu'uu Kennan

⁴⁹ Ijoolleen Israa'elii lafa maraa haga daangaa itti baasanii qoqqoodaniin maayessa uf keessatti ilma Nawwe'ee Iyyaasu'uuf,

⁵⁰ lafa gaaraa ta biyya Efreemii ta Minaaseeraa jedhamtu qachaa inni fedhu akkuma ajaja Rabbiitiin kennaniif; innillee qachaa ijaaratee achi keessa taa'e.

⁵¹ Lafti ilmi Nawwe'ee Iyyaasuun, gadichi Alaazar, gofti ijoollee Israa'eliitii fi bulchoonni abbootaa Rabbiin afo'otti Seelo'otti daasee wol gayi'ii keessatti qoodamanii fixan kana.