Kitaaba Seena'aa ka 1ffaa 3 - Kitaaba Woyyuu

Fiixaa Dhaloota Daawitii

^1-3 Ijoolleen Daawitii biyya Keebrooniititti dhalatan kanniin fa'a; ka hangafaa Aminoon; ka lammeesso'oo Daani'eelii Akinaahoomii gosa Iyiziraa'eelii irraa dhalate, ka sadeesso'oo Maayikaa intala mootii Geeshurii ka Talmaayiin irraa dhalate Abeseloom; ka arfeesso'oo Adooniyaasii Aagittiin deette; ka shaneesso'oo Shafaaxiyaa Abixaal deette; ka jaheesso'oo Yitirahaamii Eegilaan deette.

⁴ Kunniin maruu hennaa inni Keebroonitti woggaa torbaa fi ji'a jahaa bulche dhalataniif. Daawiti Yerusaalemiin keessa taa'ee woggaa soddomii sadihii bulche.

⁵ Achitti ilmaan heddu argate; intalti Beersaabeehi mucattiin Aami'eelii Saamuus, Soobaab, Naataanii fi Solomooniin deette.

⁶ Ijoollee biraallee sagal qaba; isaanillee Iyyaabehaar, Eeliisu'ee, Eelifaalaati,

⁷ Noogaa, Naafeeq, Yaafiyaa,

⁸ Eelsaamaa, Eldaaye'ee fi Elifalaatiin fa'a.

⁹ Kanniiniin alallee ijoolleen Daawiti dubartoota mata gala itti galu irraa uumate ijoollee dhiiraa ta biraallee hin qaba; mucattii intalaa ta Timaar jedhamtee waamamtullee hin qaba.

Fiixaa Mooticha Solomoonii

¹⁰ Fiixaan dhaloota Solomoonii akka armaan gadiiti; Solomoon, Roobi'aam, Abiyaa, Aasaa, Iyyoosaafixi,

¹¹ Iyyooraam, Akaaziyaas, Iyyoo'aas,

¹² Ameesiyaas, Azaariyaas, Iyyoo'aataam,

¹³ Aka'aaz Hisqiyaas, Minaasee,

¹⁴ Amootsii fi ilma isaa Iyyoosiyaas.

¹⁵ Ijoolleen dhiiraa ta Iyyoosiyaasii ka hangafaa Yohaanaan, ka lammeesso'oo Iyyoo'aaqeem, ka sadeesso'oo Sedeqiyaasii fi ka arfeesso'oo Shaloomiin fa'a.

¹⁶ Iyyoo'aaqeem garuu ijoollee dhiiraa lamaan Ikooniyaanii fi Sedeqiyaasiin uumate.

Fiixaa Mooticha Ikooniyaanii

¹⁷ Ijoolleen nama Baabilooniin booji'amee ta Ikooniyaanii Salatiyaal, Malkiraam,

¹⁸ Faddayaa, Shenaatsaar, Yiqaamiyaa, Hooshaama'aa fi Naadaab fa'a.

¹⁹ Ijoolleen dhiiraa ta Faddaya'aa Zarubaabeelii fi Saame'i fa'a; Zarubaabeelillee ijoollee dhiiraa lamaan Meesulaamii fi Hanaaniyaa jedhamanii waamamanii fi mucattii Shaloomiiti jedhamtu qaba.

²⁰ Akkasuma ijoollee dhiiraa shan ta biraa Hashubaa, Aheel, Barakiyaa, Asaadiya'aa fi Yooshabihiseed jedhaman qaba.

²¹ Hanaaniyaan ijoollee dhiiraa Falaaxiyaala'aa fi Yeshaayaa uumate; Yeshaayaan Raafaayaaniin uumate; Raafaayaan Arnaaniin uumate; Arnaani Abdiyyuu uumate; Abdiyyu Sekeniyaa uumate.

²² Sekeniyaan Shamaayaa uumate; Shamayaan Haxuusiin, Yigi'aaliin, Bariyaahiin, Na'aariyaa fi Shafaaxiin uumate;

²³ Na'aariyaan ijoollee dhiiraa sadiin Elyoo'enaayi, Hisqiyaasii fi Izraaqaamiin fa'a uumate;

²⁴ Elyoo'enaayi ijoollee dhiiraa torba Hodaayiwaa, Elyaaseeb, Feeliyaa, Aquub, Yohaanaan, Dalayaa fi Hanaaniin fa'a uumate.