Zabuli 98 - Biblia Kikutu

ZABULI YA 98

¹ Mwimbileni Mndewa Imulungu lwila lwa sambi, kwavija katenda sang'hano za unzonza. Mkono wake ung'ala umgalila mhumo, mkono wake mwenyego wene nguvu.

² Mndewa Imulungu kaugubula ukombola wake, mgameso ga iwanhu wa isi zose kaigubula haki yake.

³ Kaukumbuka unogelo wake hawishaga na kutamanilwa kwake kwa ng'anda ya Izilaeli. Kose kuihelela isi wawona ukombola wa Imulungu wetu.

⁴ Isi yose imdeng'helele Mndewa Imulungu, inuleni sauti imbeni kwa deng'ho, imbeni lwila.

⁵ Mtambikileni Mndewa Imulungu lwila kwa bango, imbeni kwa bango na kwa sauti ya lwila.

⁶ Kwa mhalati na ng'ombe sugu. Deng'heleleni kuulongozi wa Mndewa Imulungu yeli Mndewa.

⁷ Bahali ibume na vose vikalaga mumo, isi yose na awo okala mgati yake.

⁸ Vizanda vitowe makofi, vigongo vimbe hamoja kwa deng'ho,

⁹ kuulongozi wa Mndewa Imulungu, yokwiza yaitaguse isi yose. Koitagusa isi yose kwa haki, na iwanhu wose wa mwiisi kamba viilondigwa.