Zabuli 93 - Biblia Kikutu

ZABULI YA 93

¹ Mndewa Imulungu kotawala, kavala ukulu, Mndewa Imulungu kavala ukulu na nguvu. Isi yose kaika goya, na haitigiswa ng'o.

² Kigoda chako cha ukulu kikala goya tangu umwaka, gweye kukala kuko tangu umwaka yose.

³ Go Mndewa Imulungu, bahali ilava sauti, bahali ibuma, bahali ilava sauti ya ng'humbi yake.

⁴ Heyo mkulu kubanza mazi mengi vigobuma, heyo mkulu kubanza ng'humbi ya bahali, Mndewa Imulungu yokala uchanha ng'hani ayo mkulu.

⁵ Go Mndewa Imulungu, amuli zako zotamanilwa, kung'ala kwako kogela ulembo mng'anda yako milele.