Zabuli 87 - Biblia Kikutu

ZABULI YA 87

(Zabuli ya wanhu wa ulelo wa Kola.)

¹ Imulungu kazenga buga jake, uchanha ya lugongo lwake lung'ala.

² Mndewa Imulungu kodinogela buga da Sayuni, kubanza kae yose ya Yakobo.

³ Mbuli za ukulu zolongwa kumwako, gweye buga da Imulungu.

⁴ “Nokwika kumbukumbu da Lahabu na Babeli, hagati ya iwanhu onitogola niye. Vivija Filisiti na Tilo hamoja na Kushi, na niye nolonga, ‘Ino kaleligwa Sayuni.’ ”

⁵ Mbuli ya Sayuni olonga vino, “Ino na ija waleligwa mumo, na ayo yeli uchanha ng'hani mwenyego kodigwaa nguvu.”

⁶ Mndewa Imulungu kokwandika matwaga ga iwanhu wa isi zose. “Ino kaleligwa Sayuni.”

⁷ Vonda watowe bango okwimba, “Nzasa zangu zose za kumwako.”