Zabuli 82 - Biblia Kikutu

ZABULI YA 82

(Zabuli ya Asafu.)

¹ Imulungu kolongoza mting'hano mkulu, hagati ya imulungu iyagwe heyo kotagusa.

² Mbaka lini gweye kogendelela kutagusa bila haki, na kulagusa unogelo kwa iwanhu otenda gehile?

³ Wagombele iwanhu onyolila na iwana wakiwa, tenda ganogile kwa iwanhu wakiwa na iwanhu obezigwa.

⁴ Mkombole imunhu yonyolila na yelibule kinhu, wakombole kulawa mmakono ga iwanhu wehile.

⁵ Hewo hawatanga chochose na hawagelegeza chochose. Otembela kuziza. Vandusilo vose va haki mwiisi votigiswa.

⁶ “Niye nilonga, ‘Mweye mwa milungu, mweye mose mwa wana wa ayo yeli Uchanha Ng'hani.’

⁷ Lakini mofa kamba iwanhu wose viwofa, molagala kamba mtawala yoyose iyagwe.”

⁸ Gweye Imulungu, inuka uitaguse isi yose, kwavija isi yose awo uhazi wako.