Zabuli 8 - Biblia Kikutu

ZABULI YA 8

(Zabuli ya Daudi. Kwa kilanja, yatumie modeli wa Gititi.)

¹ Go Mndewa Imulungu, Mndewa wetu, twaga jako kulu mwiisi yose! Gweye kwika ukulu wako ako uchanha kuulanga.

² Mmilomo ya wana na ving'hele kuikila ngome kwa awo okwihila, kuwatenda wanyamale awo okwihila na awo okulema.

³ Nahaulola ulanga wako, ayo isang'hano ya vidole vako, mbalamwezi na nhondo avo viwikile,

⁴ munhu ayo nani, mbaka umgelegeze? Mwana wa munhu ayo nani, mbaka umulole goya?

⁵ Kumtenda mdodo kubanza iwasenga wa kuulanga, na kumvaza ukulu na nhogolwa.

⁶ Kumtenda yaitawale sang'hano ya makono gako, kuvika hasi ya magulu gake vinhu vose,

⁷ ng'hondolo na ng'ombe, na vivija iming'onyo ya kumuhulo,

⁸ iwandege wa kuulanga na somba wa mbahali, na vose vikogelela mbahali.

⁹ Go Mndewa Imulungu, Mndewa wetu, twaga jako kulu mwiisi yose!