Zabuli 70 - Biblia Kikutu

ZABULI YA 70

(Kwa kilanja, Zabuli ya Daudi kopula yakumbukigwe na Imulungu.)

¹ Gweye Imulungu ulopole kunikombola, gweye Mndewa Imulungu wize unitaze.

² Wose olonda ugima wangu, wagwe kinyala na wapate lukwale, wose olonda gehile gamhate, wabwele kuchugu na wagwe kinyala.

³ Waja onibeza, “Amweye! Amweye!” wabwele kuchugu mbuli ya kinyala chao.

⁴ Lakini wose okuzahila gweye wadeng'helele, na kusekelela kumwako. Wose ounogela ukombola wako walonge, “Imulungu yatogolwe!”

⁵ Lakini niye na mkiwa na ngaengae, gweye Imulungu wize himahima kumwangu. Gweye ayo unitazaga na mkombola wangu, gweye Mndewa Imulungu, sikuukawe.