Zabuli 53 - Biblia Kikutu

ZABULI YA 53

(Zabuli ya Daudi. Kwa kilanja, yatumie modeli wa Mahalati.)

¹ Mbozi kolonga mmoyo wake, “Kuduhu Imulungu.” Wose wanangika, otenda gaja gogevuza, haduhu hata imoja yotenda ganogile.

² Imulungu kowasungulila iwanhu hasi kulawa kuulanga, kolola kamba hana munhu kana nzewele, na komzahila Imulungu.

³ Kila munhu kahindukila kutali, wabanangika wose hamoja, haduhu hata imoja yotenda ganogile, ona! hata imoja haduhu.

⁴ Vino, iwanhu otenda gehile hawajuwa bule? Owaja iwanhu zangu kamba munhu yoja gate, na hawamgesa Imulungu.

⁵ Avo ogwaya kwa bwembwe, hata kamba haduhu kinhu cha kudumba. Imulungu kaipwililisa imizege ya iwanhu wakuvamile, gweye kowatenda wakone kinyala, kwavija Imulungu kawabezeli.

⁶ Maza ukombola wa Izilaeli wize kulawa Sayuni. Imulungu vonda yawabweze iwafungwa wa wanhu zake, Yakobo yadeng'helele, Izilaeli yasekelele.