Zabuli 47 - Biblia Kikutu

ZABULI YA 47

(Kwa kilanja, Zabuli ya ulelo wa Kola.)

¹ Toweni madondo, mweye iwanhu wa isi zose, mtoweleni Imulungu nyangi za deng'ho.

² Kwavija Mndewa Imulungu yeli Uchanha Ng'hani, kodumbiza, ayo Mndewa imkulu mwiisi yose.

³ Kawanamiza iwanhu wa isi ziyagwe hasi yetu, wanhu wa isi ziyagwe wa hasi ya magulu getu.

⁴ Katusagulila uhazi wetu mbuli yetu, uli deng'ho da Yakobo, yomnogela.

⁵ Imulungu kakwela uchanha hagati ya nyangi za deng'ho, Mndewa Imulungu kahagati ya sauti za mhalati.

⁶ Mwimbileni Imulungu nyila za kumtogola, imbeni nhogolwa, mwimbileni nhogolwa Mndewa wetu, imbeni nhogolwa.

⁷ Kwavija Imulungu ayo Mndewa wa isi yose, mwimbileni zabuli za nhogolwa.

⁸ Imulungu kotawala iwanhu wa isi zose, Imulungu kakala uchanha ya kigoda chake cha undewa king'ala.

⁹ Ivilongozi wa iwanhu wa isi waiting'hana, wailumba na iwanhu wa Imulungu wa Abulahamu, kwavija wandewa wa mwiisi mwenyego Imulungu, heyo kenuligwa ng'hani.