Zabuli 4 - Biblia Kikutu

ZABULI YA 4

(Zabuli ya Daudi. Kwa kilanja, yatumie nyuzi za bango.)

¹ Gweye Imulungu wa haki yangu, unidike nahakupula. Ving'halile mmagazo, gweye kunitaza. Unyonele bazi na utegeleze kupula kwangu.

² “Mweye iwanhu, mbaka lini ukulu wangu ogalamuka kinyala? Mbaka lini monogelwa na ubozi na kulonga uvizi?”

³ Lakini muvijuwe kamba Mndewa Imulungu, kaisagulila iwanhu wake otamanilwa, Mndewa Imulungu kohulika nahamkema.

⁴ Gwaeni kwa bwembwe na sikumutende nzambi, mkale mvisazi venu na mugelegeze mmizoyo yenu.

⁵ Laveni nhosa zilondigwa, na mumtamanile Mndewa Imulungu.

⁶ Wanhu wengi olonga, “Nani yonda yatulagusile ganogile?” Gweye Mndewa Imulungu utumwemwesele mng'alo wa ikihanga chako.

⁷ Gweye kuumemeza moyo wangu deng'ho kulu kubanza indiya na divai nyingi iwasengile.

⁸ Kwa tindiwalo notambalala na kuwasa utulo, kwavija gweye wiiyeka Mndewa Imulungu konitenda nikale goya.