Zabuli 3 - Biblia Kikutu

ZABULI YA 3

(Zabuli ya Daudi mbuli ya kipindi viyamkimbile imwana Abisalomu.)

¹ Go Mndewa Imulungu, iwanhu onihila wengi ng'hani, wanhu wengi ondema.

² Wengi onongela, “Haduhu ukombola kumwake kulawa kwa Imulungu.”

³ Lakini gweye Mndewa Imulungu kwa ngao yangu kila mwambu, kwa ukulu wangu, na konigangamiza.

⁴ Nimulilila Mndewa Imulungu, na heyo kanidika kulawa kulugongo lwake lung'ala.

⁵ Nitambalala na kuwasa, nilamuka kabili kwavija Mndewa Imulungu kanidahiza.

⁶ Siwadumba iwanhu maelufu kwa maelufu onihila wanizunguluke kila mwambu.

⁷ Go Mndewa Imulungu, winuke! Nihonye gweye Imulungu wangu! Gweye kowabena zisaya iwanhu wose onihila, kowabena imizino iwanhu wehile.

⁸ Ukombola olawa kwa Mndewa Imulungu, ukumweda kwako kukale kwa iwanhu wako.