Zabuli 149 - Biblia Kikutu

ZABULI YA 149

¹ Mtogoleni Mndewa Imulungu. Mwimbileni Mndewa Imulungu lwila lwa sambi, mumgwee nhogolwa mumting'hano wa wanhu otamanilwa.

² Waizilaeli wamdeng'helele Mulumba wao, wanhu wa Sayuni watowe lukenze kwa Mndewa wao.

³ Waditogole twaga jake kwa kuvina, wamwimbile kwa ngoma na bango.

⁴ Kwavija Mndewa Imulungu konogezwa na wanhu zake, heyo kowavaza wahole ukombola.

⁵ Wanhu wang'alile wadeng'helele ukulu, na wembe kwa deng'ho mvisazi vao.

⁶ Wamgwee nhogolwa Imulungu kwa sauti ng'hulu, mmakono gao wagoge masime gokanha kuno na kuno,

⁷ ili wawabwezele gehile wanhu wa isi ziyagwe, wawakoboze makabila ga isi,

⁸ wawafunge wandewa zao kwa minyololo, na vilongozi zao kwa mhingu za zuma,

⁹ ili kuwatendela nhaguso ilondeka kumwao. Uno awo ukulu wa wanhu otamaniligwa. Mtogoleni Mndewa Imulungu.