Zabuli 142 - Biblia Kikutu

ZABULI YA 142

(Ulonzi wa Daudi mbuli ya kipindi viyakalile mmhango. Zabuli ya kupula.)

¹ Nomulilila Mndewa Imulungu kwa sauti, nompula Mndewa Imulungu kwa sauti yangu yanyonele bazi.

² Nogida kuiyalala kwangu kuulongozi wake, kuulongozi wake nolonga magazo gangu.

³ Nahalonda kukanha tamanilo, gweye kotanga nzila zangu! Mwiinzila inibita wanhu wanitegela mitego.

⁴ Lola mwambu wangu wa ukudila, kuduhu hata munhu yonitanga, nabule hanhu ha kukimbilila, kuduhu munhu yonigesa.

⁵ Go Mndewa Imulungu, nokulilila, nolonga, “Gweye ayo kimbililo jangu, gweye ayo fungu jangu hano mwiisi ya wagima.”

⁶ Uhulike kililo changu, kwavija niye namdodo, nikombole na awo onikweleleza, kwavija wana nguvu kubanza niye.

⁷ Undave mkifungo changu, ili niditogole twaga jako. Wanhu wene haki wanizunguluke, kwavija kunhendela mengi ganogile.