Zabuli 137 - Biblia Kikutu

ZABULI YA 137

¹ Mzimbwega mbwega za vizanda va Babeli tukala, tulila vituikumbuke Sayuni.

² Mmibiki ya isi ija, tutumbika mabango getu.

³ Kwavija awo watugogile, watulonda tuwembile lwila, awo otudeta watulonda tuwembile lwila lwa deng'ho, walonga, “Twimbileni lwila lumoja mzinyila za Sayuni.”

⁴ Tokwimbaze nyila za Mndewa Imulungu, kuno twa mwiisi baki?

⁵ Gweye Yelusalemu nahakusemwa gweye, mkono wangu wa ukudila unyale.

⁶ Lulimi lwangu luilumbe na mulomo wangu wa uchanha, kamba sikukumbuka gweye, kamba sikutenda gweye Yelusalemu deng'ho jangu kulu.

⁷ Go Mndewa Imulungu, sambi uisemwe kiwatendile Waedomu, siku dija Yelusalemu viisoligwe, kumbuka kiwalongile, “Dibomoleni buga da Yelusalemu, mbaka kuna ichandusilo chake!”

⁸ Gweye Babeli, utagusigwe na kubanangwa, komweda munhu yonda yakulihe gehile gako gaututendele siye.

⁹ Komweda munhu ija yonda yawasole wanago, na kuwahonda honda uchanha ya dibwe.