Zabuli 134 - Biblia Kikutu

ZABULI YA 134

(Lwila lwa kuchola uchanha.)

¹ Izoni tumgwee nhogolwa Mndewa Imulungu, mweye mose iwasang'hanaji wa Mndewa Imulungu, mweye msang'hana ikilo mng'anda ya Mndewa Imulungu.

² Mwinule makono genu kulozela hanhu hang'alile, na mumgwee nhogolwa Mndewa Imulungu.

³ Mndewa Imulungu, yalumbile ulanga na isi yose, yawatendele ganogile kulawa Sayuni.