Zabuli 130 - Biblia Kikutu

ZABULI YA 130

(Lwila lwa kuchola uchanha.)

¹ Kulawa mmagazo gangu, nokulilila go Mndewa Imulungu.

² Go Mndewa Imulungu, uihulike sauti yangu, magwiti gako gahulike kupula kwangu.

³ Go Mndewa Imulungu, maza gweye ugapetile gehile getu, Go Mndewa, nani yahadahile kwima kuulongozi wako?

⁴ Lakini kumwako kuna kugela kumgongo, ili gweye udumbigwe.

⁵ Nombeta Mndewa Imulungu, loho yangu yombeta heyo, mna imbuli yake notamanila.

⁶ Loho yangu yombeta Mndewa, kubanza wakalizi viwobeta imotondo ivike, ona, kubanza wakalizi viwobeta usiku uche.

⁷ Gweye Izilaeli mtamanile Mndewa Imulungu, kwavija kwa Mndewa Imulungu kuna unogelo hawishaga, na kumwake kuna ugombola mkulu.

⁸ Heyo kowagombola wanhu wa Izilaeli, na nzambi zao zose.