Zabuli 129 - Biblia Kikutu

ZABULI YA 129

(Lwila lwa kuchola uchanha.)

¹ “Wandununza ng'hani toka muubwanga wangu,” Waizilaeli walonge sambi,

² “Wandununza ng'hani toka muubwanga wangu, lakini hawanihumile bule.

³ Wanilumiza mumgongo wangu, kamba walimaji ohimba miloka mitali.

⁴ Lakini Mndewa Imulungu mwene haki, kanilekesa kulawa muutumwa.”

⁵ Wageligwe kinyala na wabwezigwe kuchugu, wose odihila buga da Sayuni.

⁶ Wawe kamba usoti uchanha ya ng'anda, onyala bila kukangala,

⁷ imunhu youkanha hamemeza ganza jake, na heyo youkuba hamemeza mkono wake.

⁸ Waja obita behi hawalonga, “Imulungu yakutende umwede. Tokutambikila kwa twaga da Mndewa Imulungu.”