Zabuli 128 - Biblia Kikutu

ZABULI YA 128

(Lwila lwa kuchola uchanha.)

¹ Wamweda iwanhu wose omdumba Mndewa Imulungu, waja okala kwa kukweleleza malagizo gake.

² Koja matunda ga sang'hano zako kodeng'helela na kumweda.

³ Mwehe wako kokuwa kamba mzabibu ulela matunda mwiing'anda yako, wanago okuwa kamba mizukila ya mizeituni oizunguluka meza yako.

⁴ Ona kuno ako ukumweda kwa munhu yomdumba Mndewa Imulungu.

⁵ Mndewa Imulungu yakutendele ganogile kulawa Sayuni, ugone ganogile ga Yelusalemu siku zose za ugima wako.

⁶ Uwe mgima mbaka wone wazukulu zako. Tindiwalo dikale na Izilaeli.