Zabuli 125 - Biblia Kikutu

ZABULI YA 125

(Lwila lwa kuchola uchanha.)

¹ Waja omtamanila Mndewa Imulungu, waigala na Lugongo lwa Sayuni, hauguda guda bule, okala ngwangwama milele.

² Kamba buga da Yelusalemu vidizungulukwe na vigongo, vivo Mndewa Imulungu viyowazunguluka wanhu zake, sambi na milele.

³ Wanhu wehile honda wagendelele kuitawala isi iwagweleligwe wene haki, ili wanhu wene haki sikuwatende gehile.

⁴ Go Mndewa Imulungu, tenda ganogile kwa waja wanogile, kwa waja wene mizoyo igoloke.

⁵ Lakini waja ogaluka na kukweleleza nzila zao zihile. Mndewa Imulungu kowaswaswanya mnzila za otenda gehile. Tindiwalo dikale na Izilaeli.