Zabuli 120 - Biblia Kikutu

ZABULI YA 120

(Lwila lwa kuchola uchanha.)

¹ Mmagazo gangu nimkema Mndewa Imulungu, na heyo kanidika.

² Unikombole go Mndewa Imulungu, kulawa kwa wanhu wavizi, na kulawa kwa iwanhu owabunyika wayao.

³ Mweye wanhu wavizi, mugweleligwe choni? Mwengezeligwe choni?

⁴ Imulungu kowatagusa kwa misale mikali ya wakalizi, kowatagusa kwa makala ga msagati.

⁵ Nogaya niye kamba nokala Mesheki, nokala kamba munhu baki mmahema ga lukolo lwa Kedali.

⁶ Ng'hala nao kwa kipindi kitali, waja odihila tindiwalo.

⁷ Niye na munhu wa tindiwalo, lakini nahalonga hewo olonda ng'hondo.