Zabuli 114 - Biblia Kikutu

ZABULI YA 114

¹ Wanhu wa Izilaeli viwasegele Misili, iwanhu wa ulelo wa Yakobo viwasegele mwiisi ya ugeni,

² Yuda iwa kae ing'ala ya Imulungu, Izilaeli iwa hanhu hake mwenyego.

³ Bahali igona gago ikimbila, lwanda lwa Yolidani luleka kukilima!

⁴ Vigongo vizumha kamba ng'hondolo mbigalo, visugulu vizumha kamba wana ng'hondolo.

⁵ Gweye bahali iwaze mbaka kokimbila? Na gweye Yolidani habali koleka kukilima?

⁶ Mweye vigongo, habali muzumha kamba ng'hondolo mbigalo? Na mweye visugulu, habali muzumha kamba wana ng'hondolo?

⁷ Gwaya gweye isi yose kuulongozi wa Mndewa, gwaya kuulongozi wa Imulungu wa Yakobo,

⁸ heyo kadikwasa dibwe diwa lamba da mazi, na dibwe dala diwa mbwibwi ya mazi!