Zabuli 113 - Biblia Kikutu

ZABULI YA 113

¹ Mndewa Imulungu yatogolwe! Mtogoleni Mndewa Imulungu, mweye iwasang'hanaji zake, ditogoleni twaga da Mndewa Imulungu.

² Twaga da Mndewa Imulungu ditogolwe, sambi na milele.

³ Kulawa kudilawa zuwa mbaka kudiswela, twaga da Mndewa Imulungu ditogolwe!

⁴ Kotawala uchanha ya iwanhu wa isi zose, ukulu wake uvika uchanha kuulanga.

⁵ Nani kamba Mndewa Imulungu, Imulungu wetu? Heyo kakala uchanha kuulanga,

⁶ kolola hasi yalole ulanga na isi.

⁷ Komwinula mkiwa kulawa mmitimbwisi, na komkweza ngaengae kulawa mdizalala.

⁸ Komwika hamoja na iwakulu, hamoja na iwakulu wa wanhu zake.

⁹ Komgwaa deng'ho mtwanzi mgumba mng'anda yake, komsekeza kwa kumgwaa wana. Mndewa Imulungu yatogolwe.