Zabuli 110 - Biblia Kikutu

ZABULI YA 110

(Zabuli ya Daudi.)

¹ Mndewa Imulungu komulongela Mndewa wangu, “Kala umwambu wa mkono wangu wa ukudila mbaka niwatende iwanhu okwihila kigoda cha kwikila magulu gako.”

² Mndewa Imulungu koweneza undewa wako kulawa Sayuni, uwatawale hagati ya wose okwihila gweye.

³ Wanhu zako okwizila kwa kulonda wenyego siku yako ya ng'hondo. Kuno kuvala viwalo ving'ala, wabwanga zako okwizila kamba tungwe da imitondo.

⁴ Mndewa Imulungu kaiduwila na hagimbula bule, “Gweye kwa mulava nhosa milele, muulava nhosa wa Melikizedeki.”

⁵ Mndewa ka umwambu wa mkono wako wa ukudila. Kowahonda wandewa siku ya kugevuzika kwake.

⁶ Kowatagusa wanhu wa isi zose, isi yose yomema mitufi ya wanhu wadanganike, kowahonda iwakulu kila hanhu mwiisi.

⁷ Mndewa kong'wa mazi ga lwanda mnzila, na kokwinula pala jake kwa mhumo.